شىمكەنتتە دەنەسى قوقىستان تابىلعان ديانا وڭعاربايەۆانىڭ ءىسى سوتتا قارالا باستادى، - دەپ حابارلايدى aqshamnews.kz ءتىلشىسى.
العاشقى پروسەسستە پروكۋرور قاندى قىلمىستىڭ جاي-جاپسارىن باياندادى. مەملەكەتتىك ايىپتاۋشىنىڭ ايتۋىنشا، 26 جاستاعى كەلىنشەكتى مەكتەپ وقۋشىسى پىشاقتاپ، ءمايىتىن قورلاعان.
"كامەلەتكە تولماعان سوتتالۋشى انار ولگەن ادامنىڭ ءمايىتىن قورلاپ، قىلمىستى قاساقانا جاساعان. انار ءوزىنىڭ قىلمىستىق ارەكەتىن ءارى قاراي جالعاستىرىپ، جابىرلەنۋشى وڭعاربايەۆانىڭ استىنىڭ شالبارىنىڭ وڭ قالتاسىنان سامسۋنگ ۇيالى تەلەفونىن جىمقىرىپ جاساعان قىلمىستىق ىس-ارەكەتىن جاسىرۋ ماقساتىندا ءمايىتىن قارا ءتۇستى پوليتەتيلەن پاكەتكە وراپ تۇرعىن ءۇي اۋلاسىندا تۇرعان قۇرلىس ارباسىنا سالىپ، قوقىس جاشىگىنىڭ جانىنا اپارىپ تاستاعان"، - دەدى مەملەكەتتىك ايىپتاۋشى نۇرجىگىت ەرمەنتاي.
تەرگەۋ دەرەگىنشە، كۇدىككە ىلىنگەن 11 سىنىپتىڭ وقۋشىسى جازعى دەمالىستا قالاعا ءناپاقا تابۋ ءۇشىن كەلىپتى. ءسويتىپ قۇرىلىس ىستەپ جاتقان باسپانادا جالعىز قالىپ، الەۋمەتتىك جەلىدەن ءۇي تازالاۋشىنى ىزدەپ تابادى.
سۇمدىقتىڭ ءبارى ديانا وڭعاربايەۆا جۇمىسىن بىتكەن سوڭ باستالىپتى. كەلىنشەك كەلىسكەن 15 مىڭ تەڭگەنى سۇراعاندا ايىپتالۋشى وعان پىشاق سۇعىپ، كەيىن جانسىز دەنەسىن قورلاعان دەيدى پروكۋرور.
ەسكە سالايىق، تامىزدا شىمكەنتتەگى قوقىس جاشىگىنەن ەكى بالاسى بار ايەلدىڭ ءمايىتى تابىلعان ەدى. 26 جاستاعى تۇرعىننىڭ سۇيەگىن قوقىس تازالايتىن جۇمىسشىلار بايقاعان. جوعالعان ديانانىڭ دەنەسى سول اۋماقتا 10 كۇن بويى جاتقان ەكەن. ەتەگى جاسقا تولعان مارقۇمنىڭ اناسى تەرگەۋشىلەر ىسكە نەمقۇرايلى قاراماعاندا قىزىمنىڭ دەنەسى ۋاقىتى تابىلاتىن ەدى دەپ وتىر.
"بالا قاسقاسۋ بالاسى دەگەننەن كەيىن قاسقاسۋدىڭ ءبارىن ىزدەدىك. تاپپادىق. سوندا قاراتاۋ رۋۆد نەلەرى دە ىزدەدىك ىزدەدىك دەپ ىزدەمەگەن. مەن 28 كۇنى جازام ارىز 29 استاناعا جازام سودان كەيىن تەلەفونى تابىلادى. 31 قىزىم تابىلادى مۋسوردان. سوندا ميليسيالار قايدا ءجۇردى ىزدەمەي. موجەت ىزدەپ تاپقانداي بۇنداي بولمايتىن ەدى عوي. بۇلاي قورلانىپ ولمەيتىن ەدى عوي"، - دەدى مارقۇمنىڭ اناسى قارلىعاش وڭعاربايەۆا.