ۇيىمداستىرۋشىلاردىڭ سوزىنشە، جارىسقا قاتىسۋعا 60-قا جۋىق ادام ءوتىنىم بەرگەن
شىمبۇلاقتا كاسىبي سنوۋبوردشىلار مەن شاڭعىشىلار اراسىندا ۇلكەن سايىس وتپەك. وعان وتاندىق سپورتشىلارىمىزدان بولەك، شەتەلدىك شەبەرلەر دە قاتىسقالى وتىر، دەپ حابارلايدى Almaty-akshamy.kz Almaty.tv-گە سىلتەمە جاساپ.
سايىستىڭ ۇيىمداستىرۋشىلارى قالا تۇرعىندارى مەن قوناقتارىن سەنبىلىك دەمالىستى تاۋ-شاڭعىلىق كۋرورتىندا وتكىزۋگە شاقىرادى. سوزدەرىنە سەنسەك، وندا سۋسىن دا، كوزدىڭ جاۋىن الار شوۋ دا تەگىن بولماق.
التىنشى رەت ۇيىمداستىرىلىپ جاتقان Gorilla Winter Jungle بيىل تەڭىز دەڭگەيىنەن 3200 مەتر بيىكتىكتە وتەدى. ەكسترەمالدى جارىسقا قازاقستاننىڭ عانا ەمەس، قىرعىزستان مەن رەسەيدەن، ەۋروپا مەن تمد مەملەكەتىنەن كەلگەن كىل مىقتىلارى قاتىسادى. سايىستىڭ جۇلدە قورى – 5 ميلليون تەڭگە.
«ءبىز مۇنى نەگە ۇيىمداستىرىپ وتىرمىز؟ باستى ماقساتىمىز – سالاۋاتتى ءومىر سالتىن ناسيحاتتاۋ. اسىرەسە، سنوۋبورد پەن شاڭعى سپورتىنىڭ قازاقستاندا دا دامىعانىن قالايمىز. ەرتەڭ بولاتىن جارىس قاتىسىپ جاتقان رايدەرلەردى عانا ەمەس، كورۋگە كەلگەن جۇرتتى دا قاناتتاندىرۋ كەرەك. ولارعا ەرەكشە ەموسيا سىيلايدى دەپ سەنەمىز. سەبەبى سپورتشىلار وسى جولى بار ونەرىن كورسەتەدى»، – دەدى Gorilla Energy PR-قىزمەتىنىڭ جەتەكشىسى الەكساندر كۋچۋرا.
ۇيىمداستىرۋشىلاردىڭ سوزىنشە، جارىسقا قاتىسۋعا 60-قا جۋىق ادام ءوتىنىم بەرگەن. ودان بولەك، سايىستىڭ كوركىن قىزدىرۋ ماقساتىندا 16 سپورتشى شاقىرتىلعان. ونىڭ 8ء-ى شاڭعىشى، 8ء-ى سنوۋبوردشى. بارلىعى – سپورت شەبەرلەرى، اراسىندا ەۋروپادان كەلگەن مايتالماندار دا بار.
«شىمبۇلاق جايلى كوپ ەستيتىنمىن. ءوز كوزىممەن كورىپ، كەرەمەت سەزىمگە بولەنىپ تۇرمىن. بۇل ءبىرىنشى رەت كەلۋىم. مۇندا وتەتىن جارىس تا جوعارى دەڭگەيدە ۇيىمداستىرىلىپ جاتىر. ەرەجەسى دە ەرەكشە ەكەن. مىسالى، سەكىرگەندە ءبىر ءادىستى قولدانساڭ، كەلەسىدە باسقاسىن ويلاپ تابۋ كەرەك. شەبەرلىگىمىز سىنعا تۇسەدى»، – دەدى Gorilla Winter Jungle سايىسىنا قاتىسۋشى ستيپان كارپەل (پولشا).
«ءوزىم 12 جىلدان استام ۋاقىت سنوۋبوردپەن شۇعىلدانامىن. رەسەيدە Big Air ديسيپليناسىنان چەمپيونمىن. بۇل جەردەگى جارىس جوعارى دەڭگەيدە وتەدى دەگەن ويدامىن. ءبارى جەڭىس ءۇشىن عانا كەلگەن»، – دەدى Gorilla Winter Jungle سايىسىنا قاتىسۋشى ياروسلاۆ لەنچيەۆسكيي (رەسەي).
بيىلعى جارىستىڭ تاعى ءبىر ەرەكشەلىگى - بۇل جولى Gorilla Pro team كومانداسى ارنايى شاقىرىلعان سپورتشىلارمەن سايىساتىن بولادى. The Battle دەپ اتالاتىن جاڭا فورماتتا شاڭعىشىلار مەن سنوۋبوردشىلار ب ا ق سىناماق. ايتا كەتسەك، اۋقىمدى ءىس-شارا وسى سەنبىدە شىمبۇلاقتىڭ ەڭ بيىك نۇكتەسىندە وتەدى.