تاڭنان بەرى قالا كوشەلەرىندە 524 ارنايى تەحنيكامەن 1240 جۇمىسشى قىزمەت ەتۋدە
4 قاڭتار ساعات 02:30-دان باستاپ الماتىدا قار جاۋا باستادى، سينوپتيكتەردىڭ بولجامىنا سايكەس، تۇسكە دەيىن جالعاسادى، دەپ حابارلايدى Almaty-akshamy.kz.
الماتى قالاسى كوممۋنالدىق ينفراقۇرىلىمدى دامىتۋ باسقارماسىنىڭ مالىمەتىنشە، تاڭعى ساعات 08:00-گە دەيىن تاۋلى ايماقتاردا 15-18، قالادا 10، ال شىمبۇلاقتا قار قالىڭدىعى 60 سم-گە جەتتى.
سينوپتيكتەردىڭ ەسكەرتۋىمەن قار جاۋا باستاعانعا دەيىن قالانىڭ بارلىق اۋداندارىندا قۇمشاشقىش ماشينالاردىڭ كەزەكشىلىگى ۇيىمداستىرىلدى. كوشەلەرگە كوكتايعاققا قارسى ماتەريالدار سەبىلىپ جاتىر، 2274 توننا ماتەريال پايدالانىلدى.
تروتۋارلاردى، قوعامدىق كولىك ايالدامالارىن، جاياۋ جۇرگىنشىلەر جولىن، كولىك تۇراقتارى مەن قوعامدىق ورىنداردى تازالاۋ جۇمىستارى جۇرگىزىلۋدە.
تاڭعى 06:00-دەن باستاپ پاترۋلدىك پوليسيانىڭ كومەگىمەن قار تازالاۋشى كولىكتەردەن 17 كولوننا ىسكە كىرىستى.
32 قار تاسىمالداۋشى كولىك پەن 70 ساموسۆالدىڭ كومەگىمەن قار شىعارىلىپ جاتىر.
تۇنگى ۋاقىتتا 516 ارنايى تەحنيكا، ونىڭ ىشىندە 152 قۇمشاشقىش، 204 تازالاۋشى تەحنيكا مەن 367 جۇمىسشى تازالاۋ جۇمىستارىن جۇرگىزدى.
تاڭنان بەرى قالا كوشەلەرىندە 524 ارنايى تەحنيكامەن 1240 جۇمىسشى قىزمەت ەتۋدە.
اۋداندىق اكىمدىكتەر مەن مەردىگەر ۇيىمداردا جۇمىستاردى جۇرگىزۋ بويىنشا تاۋلىك بويى كەزەكشىلىك ۇيىمداستىرىلدى.
«قازگيدرومەت» رمك بولجامىنا سايكەس، 4 قاڭتار كۇنى كۇندىز قالادا اۋا تەمپەراتۋراسى -2..-4°س قۇرايتىن بولادى، قار جاۋىپ، 2-7 م/س جىلدامدىقتاعى جەل تۇرادى.
