دەمالۋشىلار ونى بەينەجازباعا ءتۇسىرىپ الدى.
ونىڭ بەينەجازباسى الەۋمەتتىك جەلىدە تارادى. بەينەجازبادان قار بارىسىنىڭ الاڭسىز جوعارى شىعىپ بارا جاتقانىن كورۋگە بولادى. كولىك ىشىندە وتىرعان كۋاگەرلەردىڭ تاڭعالىسىندا شەك جوق، دەپ حابارلايدى Almaty-akshamy.kz
«شىمبۇلاق، قار بارىسى. ءماسساعان، نە دەگەن ادەمى!» - دەپ تاڭعالدى كۋاگەرلەردىڭ ءبىرى.
ىلە الاتاۋى مەملەكەتتىك ۇلتتىق تابيعي پاركى وكىلدەرىنىڭ ايتۋىنشا، تۋريستەردىڭ تۇسىرگەن بەينەجازباسى سيرەك كەزدەسەتىن وقيعا.
«شىمبۇلاق شاتقالىندا تۋريستەر تۇسىرگەن قار بارىسىنىڭ بەينەجازباسى كوپشىلىكتىڭ نازارىن اۋدارىپ، قىزىعۋشىلىعىن تۋدىردى. بارىس ناق وسى ءتۇسىرىلىم بولعان جەردە تۇراقتى مەكەندەمەيدى. ونىڭ بۇل ايماققا كەلۋى قورەگى سانالاتىن تۇياقتى جانۋارلاردىڭ (ەلىك، ءسىبىر تاۋەشكىسى، ت.ب.) ميگراسياسىنا تىكەلەي بايلانىستى بولۋى مۇمكىن»، - دەپ حابارلادى ىلە الاتاۋى مۇتپ عىلىمي زەرتتەۋ جۇمىستارى جانە تاۋلى اگروبيوارتۇرلىلىك بولىمىنەن.