جاستار اراسىنداعى تانىمال توپتىڭ رەجيسسەرى ەلىمىزدەگى ماڭىزدى كەڭەستىڭ قۇرامىنا كىردى
پرەزيدەنت جانىنداعى جاستار ساياساتى جونىندەگى كەڭەستىڭ جاڭا قۇرامىنا «يرينا كايراتوۆنا» توبىنىڭ رەجيسسەرى قۋانىش بەيسەكوۆ تە كىردى، دەپ حابارلايدى Almaty-akshamy.kz
بۇعان دەيىن حابارلاعانىمىزداي، مەملەكەتتىك حاتشى ەرلان قارين facebook-پاراقشاسىندا كەڭەستىڭ جاڭا قۇرامىنا قوعام بەلسەندىلەرى، جاس عالىمدار، كاسىپكەرلەر، وڭىرلەردىڭ، اۋىل جانە شىعارماشىل جاستاردىڭ وكىلدەرىنەن قۇرالعانىن ايتقان.
«بۇل جاستاردىڭ بارلىعى - ءوز سالاسىنىڭ مايتالمان ماماندارى. وسكەلەڭ ۇرپاقتىڭ وزەكتى ماسەلەلەرىن جاقسى بىلەدى. ءارتۇرلى جاس بۋىننىڭ اراسىندا زور بەدەل مەن سەنىمگە يە»، - دەدى ول.