«مەدەۋ» - «تۇيىق سۋ» ۇلكەن الماتى وزەنىنىڭ باعىتىنداعى اۆتوجولداردا بلوكبەككەتتەر ورناتىلدى
«شىمبۇلاق» تاۋ شاڭعى كۋرورتى اۋماعىندا پروفيلاكتيكالىق ماقساتتا قار كوشكىنى ءتۇسىرىلدى، دەپ حابارلايدى Almaty-akshamy.kz.
الماتى قالالىق توتەنشە جاعدايلار دەپارتامەنتىنىڭ مالىمەتىنشە، بۇگىن تۇرعىنداردىڭ قاۋىپسىزدىگىن قامتاماسىز ەتۋ ماقساتىندا كۋرورت اۋماعىندا «Avalancheur» پنيەۆماتيكالىق قۇرالدارىنىڭ كومەگىمەن كوشكى ءتۇسىرىلدى.
«پروفيلاكتيكالىق جۇمىستارعا «شىمبۇلاق» شاڭعى كۋرورتى قىزمەتكەرلەرى، الماتى قالاسى تجد، «قازسەلدەنقورعاۋ» مم، «قازگيدرومەت» رمك ماماندارى قاتىستى. پروفيلاكتيكالىق جۇمىستاردى جۇرگىزۋ ناتيجەسىندە 900 تەكشە مەتردەن استام قار ماسساسى ءتۇسىپ، شاڭعى كۋرورتىنىڭ دەمالۋشىلارى ءۇشىن قاۋىپسىزدىك قامتاماسىز ەتىلدى»،- دەلىنگەن تجد حابارلاماسىندا.
ايتا كەتەيىك، اۋا تەمپەراتۋراسىنىڭ جوعارىلاۋى مەن قار جامىلعىسىنىڭ تۇراقسىز جاعدايىنا بايلانىستى الماتى تاۋلارىندا قار كوشكىنى ءقاۋپى ساقتالادى. «مەدەۋ» - «تۇيىق سۋ» ۇلكەن الماتى وزەنىنىڭ باعىتىنداعى اۆتوجولداردا بلوكبەككەتتەر ورناتىلدى. وسىعان وراي، الماتى قالاسىنىڭ تجد وسى ۋاقىتتا تاۋلى جەرلەرگە بارماۋعا، قار تىك ورنالاسقان تاۋ بەتكەيلەرىنەن ساق بولۋعا، تاۋ شاڭعىسى كۋرورتىنداعى قورشاۋلاردان شىقپاۋعا كەڭەس بەرەدى.