وسكەمەندە ءورت سوندىرۋشىلەر دالا ورتىمەن كۇرەسىپ جاتىر.
شقو توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە قاراعاندا، ءتىلسىز جاۋ 27 ماۋسىمدا قالاداعى ستانيسلاۆسكيي كوشەسىنىڭ بويىنداعى سكاليستوە ساياجاي قاۋىمداستىعىندا شىققان. جالىننىڭ جالپى اۋدانى - شامامەن 2 گەكتار، دەپ حابارلايدى Almaty-akshamy.kz.
«اشىق الاڭدا ءشوپ ورتەنۋدە. جاعدايدى قاتتى جەل مەن تەحنيكانىڭ جەتۋىنە قيىن تاۋلى جەر قيىنداتۋدا. ءورتتى سوندىرۋگە وبلىستىق تجد مەن ورمان شارۋاشىلىعىنان 68 ادام جانە 13 تەحنيكا جۇمىلدىرىلدى»، - دەلىنگەن اقپاراتتا.