بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە ىلە-الاتاۋ ۇلتتىق پاركى باس ديرەكتورىنىڭ ورىنباسارى دارحان يسابەكوۆ جانە ىلە-الاتاۋ ۇلتتىق پاركى ورماندى مولىقتىرۋ جانە قالپىنا كەلتىرۋ ءبولىمىنىڭ باسشىسى رايحان مۇحامەتجانوۆا ايتىپ بەردى، دەپ حابارلايدى almaty-akshamy.kz
ىلە-الاتاۋ ۇلتتىق پاركى اۋدانى 542،4 مىڭ گا بولاتىن 4 فيليالدان تۇرادى: اقساي، مەدەۋ، تالعار، تۇرگەن جانە الماتى مەملەكەتتىك تابيعي كەشەنى.
«وسى جىلدىڭ 9 اقپانىنان 6 ناۋرىزىنا دەيىن ساياباق بويىنشا ءورت ءقاۋىپتى ماۋسىمعا دايىندىق ايلىعى وتكىزىلدى. ۇلتتىق پاركتىڭ ورنالاسقان جەرىندە ءورتتىڭ پايدا بولۋ ىقتيمالدىعى وتە جوعارى، پاركتىڭ ورتاشا ءورت قاۋىپتىلىگى جىلىنا 3،0 باللدى قۇرايدى. 2023 جىلعى ءورتتىڭ الدىن الۋ جانە ءورت ءقاۋىپتى ماۋسىمى بويىنشا ءىس-شارالار انىقتالىپ، بەكىتىلدى، سونداي-اق ينسپەكتورلار 36 ساعاتتىق وقىتۋ باعدارلاماسىنان ءوتتى. الماتى وبلىسىنىڭ (قاراساي، تالعار جانە ەڭبەكشىقازاق اۋداندارىمەن) جانە الماتى قالاسىنىڭ توتەنشە جاعدايلار دەپارتامەنتتەرىمەن بىرلەسكەن ءوزارا ءىس - قيمىل جوسپارلارى ازىرلەنىپ، بەكىتىلدى»، - دەدى د.يسابەكوۆ.
وسىلايشا، تۋىنداعان ورمان ورتتەرىن ۋاقتىلى جويۋ ماقساتىندا بارلىق فيليالداردا جانە الماتى مەملەكەتتىك كەشەندى تابيعي قورىعىندا سانى 60 ادامنان تۇراتىن ورمان قورعاۋ قىزمەتكەرلەرى قاتارىنان تۇراقتى جاۋىنگەرلىك ازىرلىكتە تۇرعان توپتار قۇرىلدى. ولار ورتكە قارسى قۇرال-جابدىقتارمەن جانە ارنايى كيىممەن قامتاماسىز ەتىلگەن.
2023 جىلعى ءورت ءقاۋىپتى ماۋسىمعا ءورتتىڭ الدىن الۋ بويىنشا مىناداي شارالار ورىندالدى:
- ورتكە قارسى جولداردى جوندەۋ – 76 كم، (ونىڭ ىشىندە مەدەۋ فيليالى بويىنشا-22 كم)؛
- ورتكە قارسى جارىلىستاردى كۇتۋ بويىنشا جۇمىستار - 78 كم؛
- انشلاگتاردى رەكونسترۋكسيالاۋ جانە ورناتۋ -76 دانا.
«ۇلتتىق پاركتىڭ ىشىندە ورنالاسقان جانە ونىمەن شەكتەسەتىن بارلىق جەر پايدالانۋشىلارعا (بالالار لاگەرلەرى، ساناتورييلەر، دەمالىس ۇيلەرى، شارۋا قوجالىقتارى) ورمانداردا ءورت قاۋىپسىزدىگىن ساقتاۋ تۋرالى جانە ءورت تۋىنداعان جاعدايدا ءورتتى جويۋ جونىندە شارالار قابىلداۋ قاجەتتىگى تۋرالى 88 دانا نۇسقاما بەرىلدى، مەدەۋ فيليالى بويىنشا – 15 دانا. سونداي - اق، دەمالۋشىلارمەن جانە تۋريستەرمەن ورتكە قارسى ۇگىت-ناسيحات جۇمىستارى جۇرگىزىلۋدە»، - دەدى سپيكەر.
ءورتتىڭ الدىن الۋ جانە ۇلتتىق پاركتىڭ مەملەكەتتىك ينسپەكتورلارىن ءورتتى سوندىرۋگە دايارلاۋ دەڭگەيىن ارتتىرۋ ماقساتىندا الماتى وبلىسى قاراساي، تالعار جانە ەڭبەكشىقازاق اۋداندارىنىڭ توتەنشە جاعدايلار باسقارماسى ورت-تاكتيكالىق وقۋ-جاتتىعۋ وتكىزدى.
«2023 جىلعى 6 ماۋسىمدا ىلە-الاتاۋ مۇتپ اۋماعىندا الماتى قالاسىنىڭ توتەنشە جاعدايلار دەپارتامەنتىمەن، الماتى قالاسىنىڭ قۇتقارۋ قىزمەتىمەن، «قازاۆياسپاس» مم، «قازاۆيالەسورعاۋ» مم، قوعامدىق دەنساۋلىق ساقتاۋ دەپارتامەنتىمەن، الماتى قالاسىنىڭ تابيعاتتى قورعاۋ پوليسياسى بولىمدەرمەن «الاۋ – 2023» ورمان ورتتەرىن ءسوندىرۋ جانە جويۋ بويىنشا بىرلەسكەن ورت-تاكتيكالىق وقۋ-جاتتىعۋ وتكىزىلدى»، - دەدى د.يسابەكوۆ.
ۇلتتىق پاركتىڭ ماتەريالدىق-تەحنيكالىق بازاسىن جاقسارتۋ ماقساتىندا ءورت قاۋىپسىزدىگىنە قاجەتتى قۇرالدار ساتىپ الىنادى. مەملەكەتتىك ينسپەكتورلار 131 قىزمەتتىك جىلقىمەن قامتاماسىز ەتىلگەن، 4 ارنايى ءورت ءسوندىرۋ اۆتوكولىگىمەن، سونداي-اق باسقا دا جابدىقتارمەن قامتاماسىز ەتىلگەن. 2 توننا ديزەل وتىنىنىڭ، 3 توننا بەنزيننىڭ رەزەرۆتىك قورى قۇرىلدى.
ۇلتتىق پارك قىزمەتكەرلەرىمەن، الماتى قالاسىنىڭ جەرگىلىكتى اتقارۋشى ورگاندارىمەن جانە تجد، تابيعاتتى قورعاۋ پوليسياسىمەن بىرلەسكەن رەيدتەر جۇرگىزىلۋدە، دەمالۋشىلارمەن ءتۇسىندىرۋ جۇمىستارى دا جۇرگىزىلۋدە. رەيد بارىسىندا ءورت قاۋىپسىزدىگى تالاپتارىن بۇزعان 7 ادام جانە ورمان قورىن قوقىس قالدىقتارىمەن لاستاۋ بويىنشا 5 ءتارتىپ بۇزۋشى اكىمشىلىك جاۋاپكەرشىلىككە تارتىلدى، 1 380 000 تەڭگە سوماسىنا ايىپپۇل سالىندى.
سونىمەن قاتار، 2023 جىلدىڭ باسىنان باستاپ ورماندا ءورت قاۋىپسىزدىگى ەرەجەلەرىن بۇزعانى ءۇشىن 17 اكىمشىلىك حاتتاما جاسالىپ، 17 جەكە تۇلعا جاۋاپقا تارتىلدى، قالا بويىنشا – 12 جەكە تۇلعا، ايىپپۇل مولشەرى 2 415 500 تەڭگە. جالپى ۇلتتىق پارك بويىنشا ايىپپۇل سوماسى - 3 277 500 تەڭگە
«كوكجايلاۋ شاتقالى - تۋريستەر مەن دەمالۋشىلار ءۇشىن تانىمال دەمالىس ورنى. ورمانداعى ءورت قاۋىپسىزدىگى ەرەجەلەرىن ساقتاۋ جانە تابيعاتتى تازا ۇستاۋ ماقساتىندا ۇلتتىق پارك قىزمەتكەرلەرىمەن سەنبىلىك ۇيىمداستىرىلىپ، ءتۇسىندىرۋ جۇمىستارى جۇرگىزىلدى. ورمانداردا ءورت قاۋىپسىزدىگى ەرەجەلەرىن ساقتاي وتىرىپ، تاماق دايىنداۋ ءۇشىن جەر پايدالانۋشىلارعا ارنايى جابدىقتالعان ورىنداردا وت جاعۋعا رۇقسات ەتىلەدى»، - دەپ اتاپ ءوتتى سپيكەر.
تۇنگى ۋاقىتتا ساياباق اۋماعىندا كەزەكشىلىك ۇيىمداستىرىلادى. ۇلتتىق پارك وكىلدەرى قوقىس جيناۋ ينسپەكتورلاردىڭ لاۋازىمدىق مىندەتتەرىنە كىرمەيتىنىن اتاپ ءوتىپ، دەمالۋشىلارعا قوقىستى قالدىرماۋدى، تازالىق پەن ءتارتىپتى ساقتاۋدى ەسكەرتەدى.