بۇدان بىلاي نۇرىمبەت ساقتاعانوۆ شىعىس قازاقستان وبلىسىن باسقارادى، دەپ حابارلايدى اقوردانىڭ باسپا ءسوز قىزمەتى.
— مەملەكەت باسشىسىنىڭ جارلىعىمەن نۇرىمبەت امان ۇلى ساقتاعانوۆ شىعىس قازاقستان وبلىسىنىڭ اكىمى لاۋازىمىنا تاعايىندالدى، — دەلىنگەن حابارلامادا.
نۇرىمبەت ساقتاعانوۆ 1970 جىلى تۇركىستان وبلىسىندا دۇنيەگە كەلگەن.
قورقىت اتا اتىنداعى قىزىلوردا مەملەكەتتىك ۋنيۆەرسيتەتىن، ماسكەۋ مەملەكەتتىك ەكونوميكا، ستاتيستيكا جانە ينفورماتيكا ۋنيۆەرسيتەتىن، س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىن بىتىرگەن.
ەڭبەك جولىن 1992 جىلى قىزىلوردا وبلىسىنىڭ سىرداريا اۋدانىنداعى № 172 ورتا مەكتەپتە وقىتۋشى رەتىندە باستاعان.
ءار جىلدارى مەملەكەتتىك قىزمەت، سونىڭ ىشىندە كەدەن ورگاندارىندا جاۋاپتى باسشىلىق قىزمەتتەردە بولعان.
2007-2012 جىلدارى ق ر ەكونوميكا جانە بيۋدجەتتىك جوسپارلاۋ مينيسترلىگى سىرتقى ينۆەستيسيا كوزدەرىن جوسپارلاۋ ءبولىمى باسشىسى، ءمينيستردىڭ كەڭەسشىسى، ەڭبەك جانە الەۋمەتتىك قورعاۋ مينيسترلىگى ميگراسيا كوميتەتى ءتوراعاسىنىڭ ورىنباسارى، ق ر پرەزيدەنتى اكىمشىلىگىنىڭ مەملەكەتتىك ينسپەكتورى بولىپ قىزمەت ەتتى.
2012-2021 جىلدارى شىعىس قازاقستان وبلىسى اكىمىنىڭ ورىنباسارى، ءبىرىنشى ورىنباسارى، ۇلان اۋدانىنىڭ جانە سەمەي قالاسىنىڭ اكىمى قىزمەتتەرىن اتقارعان.
2021 جىلدىڭ اقپان ايىنان 2022 جىلدىڭ ماۋسىم ايىنا دەيىن شىعىس قازاقستان وبلىسى جارما اۋدانىنىڭ اكىمى لاۋازىمىندا ەڭبەك ەتتى.
2022 جىلدىڭ 24 ماۋسىمىنان باستاپ وسى ۋاقىتقا دەيىن قىزىلوردا وبلىسى اكىمىنىڭ ورىنباسارى بولدى.
2023 جىلدىڭ 8 قىركۇيەگىندە شقو اكىمىنىڭ ءبىرىنشى ورىنباسارى بولىپ تاعايىندالدى.