شىعىس قازاقستان وبلىسى زايسان اۋدانىندا جاڭا اۋەجايدىڭ قۇرىلىسىن سالۋ ءۇشىن جوبالىق قۇجاتتاما ازىرلەۋ باستالدى، دەپ حابارلايدى aqshamnews.kz.
جاڭا اۋەجاي ساتپاي اۋىلىندا، زايسان قالاسىنان 28 شاقىرىم قاشىقتىقتا ورنالاسادى. بۇل تۋرالى زايسان اۋداندىق اكىمىنىڭ ورىنباسارى نۇرعايني قابيدولدينا وڭىرلىك كوممۋنيكاسيالار قىزمەتىندە وتكەن بريفينگتە مالىمدەدى.
— اۋەجاي قۇرىلىسىن سالۋ ايماقتىڭ ءتۋريزمىن دامىتۋعا جانە جەرگىلىكتى تۇرعىنداردىڭ ءومىر ساپاسىن جاقسارتۋعا جاڭا مۇمكىندىكتەر اشادى. ءبىز تەك اۋەجاي سالۋمەن عانا شەكتەلمەي، سونىمەن قاتار زاماناۋي ينفراقۇرىلىمدى قۇرۋدى جوسپارلاپ وتىرمىز. بۇل ينفراقۇرىلىمعا جاڭا جولدار، لوگيستيكالىق قويمالار جانە باسقا دا نىساندار كىرەدى. ولار كولىك قولجەتىمدىلىگىن ارتتىرۋعا ىقپال ەتەدى، — دەپ اتاپ ءوتتى نۇرعايني قابيدولدينا.
سونىمەن قاتار، اۋداننىڭ تۋريستىك الەۋەتىن دامىتۋعا «ومسك — مايكاپشاگاي» اۆتوجولىن قايتا جاڭارتۋ دا ۇلكەن اسەر ەتەتىن بولادى. جۇمىستار «قازاۆتوجول» ۇلتتىق كومپانياسىنىڭ تاپسىرىسى بويىنشا جۇرگىزىلۋدە، ال جوبانىڭ جالپى قۇنى 17،4 ميلليارد تەڭگەنى قۇرايدى.
بۇل ءىرى ينفراقۇرىلىمدىق جوبالاردىڭ ىسكە قوسىلۋى ايماقتىڭ ەكونوميكالىق الەۋەتىن ارتتىرۋعا، شىعىس قازاقستانداعى كولىك لوگيستيكاسىن جاقسارتۋعا جانە جەرگىلىكتى بيزنەستىڭ دامۋىنا وڭ اسەرىن تيگىزەدى دەپ كۇتىلۋدە.