سۋ تاسقىنىنان زارداپ شەككەن 2300 وتباسىنا 555 ملن تەڭگەدەن استام سوماعا الەۋمەتتىك كومەك كورسەتىلگەنى تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ رەسمي وكىلى ماديار ۋاكپايەۆ ءمالىم ەتتى، دەپ حابارلايدى اlmaty-akshamy.kz.
«ەڭبەك جانە حالىقتى الەۋمەتتىك قورعاۋ مينيسترلىگى سۋ تاسقىنىنان زارداپ شەككەندەرگە كەشەندى قولداۋ ءىس-شارالارىن اتقارىپ جاتىر. اتاپ ايتقاندا، توتەنشە جاعداي رەجيمى جاريالانعان قالالار مەن اۋدانداردا تۇراتىن 5 مىڭ وتباسىنا اتاۋلى الەۋمەتتىك كومەك مەملەكەتتىك ورگاندارعا جۇگىنۋدى بولدىرماستان اۆتوماتتى تۇردە بەكىتىلدى. سونداي-اق، بالالاردى قوسا العاندا، 4 مىڭعا جۋىق ادامعا مۇگەدەكتىكتى قايتا كۋالاندىرۋ مەرزىمدەرى اۆتوماتتى تۇردە ۇزارتىلدى. مۇگەدەكتىگى بويىنشا جاردەماقى تولەۋ بۇرىن بەلگىلەنگەن توپ بويىنشا جۇزەگە اسىرىلادى»، - دەدى م. ۋاكپايەۆ ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا.
ونىڭ ايتۋىنشا، ءساۋىر ايىنداعى زەينەتاقى مەن جاردەماقىلار ناقتى ادامداردىڭ ەكىنشى دەڭگەيدەگى بانكتەردەگى شوتتارىنا جانە «قازپوشتاعا» كىدىرىسسىز جانە تولىق كولەمدە اۋدارىلدى.
سونىمەن قاتار، جەرگىلىكتى اتقارۋشى ورگاندار ءوز قاراجاتى ەسەبىنەن سۋ تاسقىنىنان زارداپ شەككەن 2300 وتباسىنا 555 ملن تەڭگەدەن استام سوماعاالەۋمەتتىك كومەك جاسادى.
«سۋ باسقان ايماقتاردان 96 مۇگەدەكتىگى بار ادام ەۆاكۋاسيالاندى. جەرگىلىكتى جەرلەردە ولارعا بارلىق قاجەت كومەك كورسەتىلدى. رەسپۋبليكا بويىنشا قارتتار مەن مۇگەدەكتىگى بار ازاماتتارعا ارناۋلى الەۋمەتتىك قىزمەت كورسەتەتىن بارلىق 118 ورتالىق شتاتتىق رەجيمدە جۇمىس ىستەپ جاتىر. كاسىپوداقتار فەدەراسياسى الەۋمەتتىك وسال ساناتتارعا جاتاتىن ازاماتتاردى ساۋىقتىرۋ ءۇشىن رەسپۋبليكانىڭ 7 شيپادايىندا 164 ورىن ءبولدى. ەلەكتروندى ۇكىمەتتىڭ ءموبيلدى قوسىمشاسىندا سۋ تاسقىنى سالدارىنان كەلتىرىلگەن زالالدى وتەۋگە ءوتىنىش بەرۋ فۋنكسيونالى ىسكە اسىرىلدى. قوسىمشانى اپروباسيالاۋ اقمولا وبلىسىندا باستالادى»، - دەدى رەسمي وكىل.