الماتىدا «ءالماتى-بىزدىڭ ورتاق ءۇيىمىز» ناۋقانىنىڭ ءبىرىنشى اپتاسىنىڭ قورىتىندىسى شىعارىلدى
الماتىدا قالا اكىمى ەربولات دوسايەۆتىڭ باستاماسىمەن «الماتى – ءبىزدىڭ ورتاق ءۇيىمىز» ناۋقانىن ىسكە اسىرۋ جالعاسۋدا. «ءبىزدىڭ قالا – ءبىزدىڭ كوشەلەر» ناۋقانىنىڭ ءبىرىنشى كەزەڭى اياسىندا قالالىق قىزمەتتەر مەن اۋدان اكىمدىكتەرى مەگاپوليستىڭ كوشە ينفراقۇرىلىمىن رەتكە كەلتىرۋ بويىنشا ۇلكەن جۇمىس جۇرگىزدى.
- ءبىرىنشى اپتادا 1250 ايالداما پاۆيلوندارىن جۋۋ، 59 جەراستى جانە جەر ءۇستى جاياۋ جۇرگىنشىلەر وتكەلدەرىن تازالاۋ جانە سىرلاۋ، 165 باعدارشام نىساندارىن جۋۋ جانە سىرلاۋ، 1690 جول بەلگىلەرىن سىرلاۋ جۇمىستارى ىسكە استى.
- قالادا 5 570-تەن استام ۋرنا، 2 740 ورىندىق، جۇزدەگەن جارىقتاندىرۋ باعانالارى، كورسەتكىشتەر بويالعان جانە جۋىلعان، قتق جيناۋعا ارنالعان 350 الاڭدى جۋۋ جانە دەزينفەكسيالاۋ جۇرگىزىلگەن، كوپىر قورشاۋلارى بويالدى، اقاۋلى توسەنىشتەرى بار ۋچاسكەلەر جوندەلدى، جاڭبىر قابىلداعىشتار جانە تاعى باسقالار قالپىنا كەلتىرىلدى.
بۇدان باسقا، 17 000 م2 اسفالتبەتون جابىنى بار الاڭدا، ونىڭ ىشىندە رايىمبەك، ساتبايەۆ، بۇقار جىراۋ، تيميريازيەۆ، رىسقۇلوۆ، مومىش ۇلى، التىنسارين، مايلين، تالعار تراكتىسى، گاگارين، جاروكوۆ، مۇستافين جانە باسقالاردىڭ ماگيسترالدىق كوشەلەرىندە جولدارعا اعىمداعى جوندەۋ جۇرگىزىلدى. بۇل رەتتە جوعارىدا اتالعان بارلىق جۇمىستار ناۋقان بويى جالعاساتىن بولادى.
ايتا كەتەرلىگى، بۇگىننەن باستاپ اۋلا اۋماقتارىن جوندەۋگە، كوگالداندىرۋعا جانە قالا تۇرعىندارىنىڭ قاتىسۋىمەن وتەتىن ءتۇرلى ءىس-شارالارعا ارنالعان ناۋقاننىڭ ەكىنشى كەزەڭى باستالادى. «ءبىزدىڭ قالا – ءبىزدىڭ اۋلا، ءبىزدىڭ ءۇي» اپتالىعى اياسىندا (15-21 ءساۋىر) اۋلالار مەن ۇيلەرى الدىنداعى جەرلەردى كوگالداندىرعىسى كەلەتىندەرگە كوشەت ماتەريالدارى ال، جەكە ۇيلەردىڭ قورشاۋلارىن سىرلاعىسى كەلەتىندەرگە بوياۋلار بەرىلەدى. وسى كەزەڭدە ءتۇرلى شىعارماشىلىق جانە ەكولوگيالىق ءىس – شارالار باستالادى – «ەكومارافون» پلوگگينگى، «تازا ويىندار» اكسيالارى، «ۇزدىك اۋلا»، «ۇزدىك ءۇي الدىنداعى باۋ-باق» كونكۋرستارى جانە تاعى باسقالار جوسپارلانعان. 27 ساۋىردە جالپىقالالىق سەنبىلىك جوسپارلانعان.
«الماتى – ءبىزدىڭ ورتاق ءۇيىمىز» ناۋقانى تۋرالى بارلىق اقپارات اlmaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا قالا بويىنشا ورنالاستىرىلعان باننەرلەر، پوستەرلەر، افيشالارعا ارنايى QR-كود ارقىلى كىرۋگە بولادى.
الەۋمەتتىك جەلىلەردەگى ناۋقاننىڭ بەلسەندى قاتىسۋشىلارىنا ارنالعان حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.