بۇگىن شۆەسيادا پارلامەنتتىك سايلاۋ ءوتىپ جاتىر. وندا ەل ازاماتتارى ءبىر پالاتالى ريكسداگتىڭ 349 دەپۋتاتىن سايلايدى، دەپ حابارلايدى Almaty-akshamy.kz Inform.kz-كە سىلتەمە جاساپ.
ريكسداگ مۇشەلەرى پروپورسيونالدى جۇيە بويىنشا ءتورت جىلعا سايلانادى.
شۆەسيا اۋماعى ريكسداگتىڭ 310 مانداتى بەكىتىلگەن سايلاۋ وكرۋگتەرىنە بولىنەدى. قالعان 39 ماندات – «تەڭەستىرۋشى»، ول بۇكىل ەل بويىنشا داۋىس بەرۋدىڭ جالپى ناتيجەلەرى بويىنشا تولتىرىلادى.
پارلامەنتكە ءوتۋ ءۇشىن پارتيا پارلامەنتتىك سايلاۋدا كەم دەگەندە 4% داۋىس جيناۋى كەرەك. قازىرگى سايلاۋعا دەيىن پارلامەنتتە مىنا پارتيالار ۇسىنىلدى: ورتالىق پارتياسى – 31-ورىن (8،61%)؛ حريستيان دەموكراتتارى – 22-ورىن (6،32%)؛ ليبەرالدى پارتيا – 20-ورىن (5،49%)؛ جاسىلدار پارتياسى – 16-ورىن (4،41%)؛ قالىپتى كواليسيالىق پارتيا – 70-ورىن (19،84%)؛ سوسيال-دەموكراتيالىق جۇمىسشىلار پارتياسى – 100-ورىن (28،26%)؛ شۆەد دەموكراتتارى – 62-ورىن (17،53%)؛ سولشىل پارتيا – 28-ورىن (8،00%).
پرەمەر-مينيستر ماگدالەنا اندەرسسوننىڭ سولشىل ورتالىق سوسيال-دەموكراتيالىق جۇمىسشى پارتياسى وسى سايلاۋدا قالىپتى كواليسيالىق پارتياسىنداعى كونسەرۆاتورلارىنا، سونداي-اق كوتەرىلىپ كەلە جاتقان «شۆەد دەموكراتتارى» قلزعالىسىنا قارسى تۇر.
قازىرگى ساۋالنامالار بويىنشا، شامامەن 30% داۋىسپەن سوسيال-دەموكراتتار پارتياسى ءبىرىنشى ورىندا، ودان كەيىنگى ورىنداردا شۆەد دەموكراتتارى شامامەن 20% جانە قالىپتى كواليسيالىق پارتيا 17% داۋىسپەن تۇر.