گولوۆكين - «كانەلو» ءۇشىنشى جەكپە-جەگىنىڭ تىكەلەي ەفيردەن كورسەتىلۋى تۋرالى مالىمەت جاريالاندى، دەپ حابارلايدى Almaty-akshamy.kz Inform.kz-كە سىلتەمە جاساپ.
18 قىركۇيەك كۇنى تاڭەرتەڭ لاس-ۆەگاستا (اقش) قازاقستاندىق بوكسشى گەنناديي گولوۆكين (42-1-1، 37 كو) مەن مەكسيكالىق ساۋل «كانەلو» الۆارەستىڭ (57-2-2، 39 كو) ءۇشىنشى جەكپە-جەگى وتەدى.
قازاقستاندا گولوۆكين مەن «كانەلو» اراسىنداعى ءۇشىنشى ايقاس Qazsport تەلەارناسىنان كورسەتىلەدى دەپ جوسپارلانعان. بوكس كەشىنىڭ ترانسلياسياسى نۇر-سۇلتان ۋاقىتىمەن ساعات 5:00-دە باستالادى. باستى شەشۋشى ايقاس شامامەن ساعات 8:00-دە بولادى.
ەسكە سالا كەتەيىك، گولوۆكين مەن «كانەلو» اراسىنداعى ءۇشىنشى جەكپە-جەك T-Mobile Arena سارايىندا وتەدى. الداعى جەكپە-جەكتە سۋپەر ورتا سالماقتاعى ءابسوليۋتتى الەم چەمپيونى اتاعى باسكە تىگىلەدى. قازىرگى ۋاقىتتا ونىڭ يەسى – «كانەلو».