وداققا كىرۋ تۋرالى شەشىم فينليانديا پارلامەنتىندە 16 مامىردا تالقىلاندى
شۆەسيا ءسىم باسشىسى انن ليندە ەلدىڭ ناتو-عا كىرۋى تۋرالى وتىنىشكە قول قويدى، دەپ حابارلايدى Almaty-akshamy.kz tengrinews.kz-گە سىلتەمە جاساپ.
بۇل تۋرالى انن ليندە Twitter-دەگى پاراقشاسىندا حابارلادى. ونىڭ سوزىنشە، قازىرگى ۋاقىتتا ناتو-عا مۇشەلىك ەتۋ - شۆەسيا ءۇشىن ەڭ ۇتىمدى شەشىم.
"بۇگىن تاڭەرتەڭ شۆەسيا ءسىم باسشىسى انن ليندە ەلدىڭ ناتو-عا قوسىلۋ تۋرالى وتىنىشىنە قول قويدى"، - دەلىنگەن حابارلامادا.
قۇجات فينليانديانىڭ مالىمدەمەسىمەن بىرگە وسى اپتانىڭ سوڭىندا بريۋسسەلدەگى سولتۇستىك اتلانتيكالىق اليانستىڭ شتاب-پاتەرىنە ۇسىنىلادى.
ەسكە سالايىق، 15 مامىردا فينليانديا پرەزيدەنتى ساۋلي نيينيستە ەل رەسمي تۇردە ناتو-عا قوسىلۋعا جانە مۇشەلىككە ءوتىنىش بەرۋگە شەشىم قابىلداعانىن مالىمدەگەن. پرەمەر-مينيستر ساننا مارين بۇل تاريحي شەشىم ەكەنىن ايتتى. وداققا كىرۋ تۋرالى شەشىم فينليانديا پارلامەنتىندە 16 مامىردا تالقىلاندى. كەيىنىرەك شۆەسيا بيلىگى سولتۇستىك اتلانتيكالىق وداققا كىرۋگە ءوتىنىش بەرۋدى جوسپارلاپ وتىرعانىن حابارلادى.