قازاقستاندىق IT جوبا بۇۇ حالىقارالىق ەلەكتروبايلانىس وداعىنىڭ بايقاۋىندا جەڭىمپاز اتاندى.
«Agroinsurance» دەپ اتالاتىن اگروساقتاندىرۋ قىزمەتى «ەلەكتروندى اۋىلشارۋاشىلىعى» نوميناسياسىندا ەڭ ۇزدىك دەپ تانىلدى، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
الەمنىڭ وزىق IT جوبالارىنىڭ جەڭىمپازدارى جەنيەۆادا ماراپاتتالدى. اگروساقتاندىرۋ قىزمەتى ارقىلى قازاقستاندىق فەرمەرلەر 2019 جىلدان بەرى ەگىستىكتەرى مەن ءوسىرىپ وتىرعان مالدارىن ونلاين ساقتاندىرۋعا مۇمكىندىك العان. قۋاڭشىلىقتان زارداپ شەككەندەر مەن مال شىعىنىنا ۇشىراعان وتاندىق شارۋالارعا ءۇش جىلدا حالىقارالىق ساقتاندىرۋ كومپانيالارى 2،5 ملرد تەڭگە وتەماقى تولەگەن. اشىق ءارى ءادىل قازاقستاندىق ونلاين پلاتفورمانى حالىقارالىق قاۋىمداستىق جوعارى باعالاپ وتىر.