بۇگىن مەديسينا جانە فيزيولوگيا سالاسىنداعى نوبەل سىيلىعىنىڭ يەگەرى جاريالاندى
شۆەد پالەوگەنەتيگى سۆانتە پياەبو فيزيولوگيا جانە مەديسينا بويىنشا نوبەل سىيلىعىنىڭ لاۋرەاتى اتاندى، دەپ حابارلايدى Almaty-akshamy.kz inbusiness.kz-كە سىلتەمە جاساپ.
نوبەل كوميتەتى وعان "جويىلىپ كەتكەن گومينيندەردىڭ گەنومدارى مەن ادام ەۆوليۋسياسى سالاسىنداعى جاڭالىقتارى ءۇشىن بەردى.
عالىم نەاندەرتالدىق ادامنىڭ دنق تىزبەگىن دالەلدەگەن. سونىمەن قاتار التايداعى دەنيسوۆ ۇڭگىرىندەگى قازبانىڭ بۇرىن بەيمالىم گومينيد تۇرىنە جاتاتىنىن دالەلدەپ، دەنيسوۆتىق ادام تۋرالى جاڭالىق اشقان.
سونداي-اق، عالىم نەاندەرتالدىقتار مەن دەنيسوۆاندىقتار گەندەرى قازىرگى ادامدارعا بەرىلگەنىن دالەلدەدى. بۇل شامامەن 70 مىڭ جىل بۇرىن، Homo sapiens افريكادان قونىس اۋدارعاننان كەيىن بولدى. بۇل ەجەلگى گەندەر بۇگىنگى كۇنى ادام دەنساۋلىعى ءۇشىن ماڭىزدى، ويتكەنى ولار باسقا نارسەلەرمەن قاتار يممۋندىق جۇيەمىزدىڭ ينفەكسيالارعا قالاي ارەكەت ەتەتىنىنە اسەر ەتەدى.
ايتا كەتسەك، وسى اپتادا فيزيكا، حيميا، ادەبيەت سىيلىقتارىنىڭ لاۋرەاتتارى بەلگىلى بولادى.