«حالىق قاتىساتىن بيۋدجەت» باعدارلاماسى بويىنشا الماتىنىڭ ناۋرىزباي اۋدانىندا جاڭا جاياۋ جۇرگىنشىلەر ايماعى سالىنادى
شۇعىلا شاعىن اۋدان تۇرعىندارىنىڭ وتىنىشتەرى بويىنشا بالالار جانە سپورت الاڭدارى بار ۇزىندىعى 350 م جاياۋ جۇرگىنشىلەر ايماعى جابدىقتالاتىن بولادى. بۇل تۋرالى الماتى اكىمى ەربولات دوسايەۆ ناۋرىزباي اۋدانىنىڭ تۇرعىندارىمەن كەزدەسۋ بارىسىندا مالىمدەدى، دەپ حابارلايدى almaty-akshamy.kz
جۇمىستار وسى جىلدىڭ قاراشا ايىنىڭ سوڭىنا دەيىن اياقتالادى. جاڭا دەمالىس ايماعى شۇعىلا شاعىن اۋدان تۇرعىندارىن قامتاماسىز ەتەدى ءارى دەمالۋعا جانە جايلى سەرۋەندەۋگە قولايلى جاعداي جاسايدى.
«حالىققا قاتىساتىن بيۋدجەت» اياسىندا ناۋرىزباي اۋدانىندا جالپى سوماسى 2،5 ملرد تەڭگەگە 40 جوبا ىسكە اسىرىلاتىن بولادى. بۇل قوعامدىق كەڭىستىكتەردى، تروتۋارلاردى جايلاستىرۋ، جارىقتاندىرۋ جەلىلەرىن قالپىنا كەلتىرۋ، اۆتوماتتاندىرىلعان سۋارۋ جۇيەسى، كوگالداندىرۋ جوبالارى. سونىمەن قاتار، وسى جىلدىڭ قاراشا ايىنا دەيىن 16 اۋلا اۋماعى جوندەلەدى. وسى ماقساتتارعا قوسىمشا 380 ملن تەڭگە ءبولىندى.
جالپى الماتىدا اعىمداعى جىلى «حقب» جوباسىنا 18،8 ملرد تەڭگە ءبولىندى، بۇل وتكەن جىلمەن سالىستىرعاندا 5،8 ملرد تەڭگەگە ارتىق. قالا تۇرعىندارى اۋلالاردى، قوعامدىق كەڭىستىكتەردى اباتتاندىرۋ، سپورت جانە ويىن الاڭدارىن قۇرۋ بويىنشا 364 جوبانى ۇسىنۋعا جانە ىسكە اسىرۋعا مۇمكىندىك الادى.