الماتىعا ەسىرتكى تاسىعان كۇدىكتىلەر ۋاقىتشا ۇستاۋ يزولياتورىنا قامالدى.
الماتى قالاسى مەن الماتى وبلىسىندا پوليسەيلەر ەسىرتكى ساتۋمەن اينالىسقان 12 ادامدى ۇستادى، دەپ حابارلايدى Almaty-akshamy.kz
پوليسيا قىزمەتكەرلەرى كەشەندى جەدەل-تەرگەۋ ءىس-شارالارىنىڭ ناتيجەسىندە جامبىل وبلىسى شۋ اۋدانىنان الماتىعا ەسىرتكى جەتكىزۋ ارناسىن جولعا قويعان تۇراقتى قىلمىستىق توپقا توسقاۋىل قويدى.
جەدەل-تەرگەۋ توپتارى ارنايى ماقساتتاعى ءبولىنىس جاۋىنگەرلەرىمەن بىرلەسىپ، قۇرىقتاۋ وپەراسياسىن ءبىر ۋاقىتتا الماتى قالاسى مەن الماتى وبلىسىندا ىسكە اسىردى.
ۇيىمداستىرۋشى جانە ماريحۋانا مەن گاشيشتى زاڭسىز وتكىزۋگە قاتىسى بار 11 ادام انىقتالدى. ولاردىڭ قاتارىندا ساتۋشى مەن ساتىپ الۋشىلار، تاسىمالداۋشىلار، ءۇي-جايلاردى جالعا الۋشىلار مەن ولشەپ وراۋشىلار بار.
"ءتىنتۋ بارىسىندا سەللوفان پاكەتتەرگە سالىنعان 40 كگ ماريحۋانا مەن 15 كگ گاشيش جانە كۇدىكتىلەردىڭ قىلمىستىق بيزنەسكە قاتىسى بار ەكەنىن راستايتىن ۇيالى تەلەفوندار تابىلىپ، تاركىلەندى. كۇدىكتىلەر ۇستالىپ، ۋاقىتشا ۇستاۋ يزولياتورىنا قامالدى. ءتيىستى ساراپتامالار تاعايىندالىپ، تەرگەۋ امالدارى جالعاسۋدا. وزگە اقپارات تەرگەۋ مۇددەسىندە جاريالانۋعا جاتپايدى"، دەدى دەپارتامەنت باستىعى – ءىىم رەسمي وكىلى شىڭعىس الەكەشيەۆ.