شري-لانكادا تارتىپسىزدىكتەرگە بايلانىستى حابار تاراتۋ توقتاتىلدى

اقپارات مينيسترلىگى بۇل جاعدايعا ءالى تۇسىنىكتەمە بەرگەن جوق.

شري-لانكانىڭ ۇلتتىق حابار تاراتۋشىلارى نارازىلىق بىلدىرۋشىلەر حابار تاراتۋ ورتالىعىنا باسىپ كىرۋ ارەكەتىنەن كەيىن حابار تاراتۋدى توقتاتتى، دەپ حابارلادى Almaty-akshamy.kz Interfax.ru سىلتەمە جاساپ.

ەفيردى سوندىرۋدەن بۇرىن تەلەارنادا ەفيرىندە ەلدىڭ ءانۇرانى شىرقالدى.

شري-لانكانىڭ اقپارات مينيسترلىگى بۇل جاعدايعا ءالى تۇسىنىكتەمە بەرگەن جوق، دەپ حابارلايدى Bloomberg.

سارسەنبى كۇنى ەرتەرەك نارازى توپ پرەمەر-مينيستر رانيل ۆيكراماسينگحەنىڭ كەڭسەسىنە باسىپ كىرىپ، ونىڭ وتستاۆكاعا كەتۋىن تالاپ ەتتى. جەرگىلىكتى اقپارات قۇرالدارىنىڭ حابارلاۋىنشا، پوليسيا كوزدەن جاس اعىزاتىن گاز قولدانعان.

شري-لانكا پارلامەنتىنىڭ سپيكەرى ماحيندا ابەيۆاردەنا ەل پرەزيدەنتىنىڭ وكىلەتتىگىن پرەمەر-مينيسترگە ۋاقىتشا بەردى، دەپ جازادى The Times of India. بۇل شەشىم، كونستيتۋسياعا سايكەس، پرەزيدەنت گوتابايا رادجاپاكسانىڭ ەلدەن كەتۋىنە بايلانىستى قابىلداندى.

پارلامەنت جاڭا پرەزيدەنت سايلاۋىن 20 شىلدەدە وتكىزەدى.

13 شىلدەگە قاراعان ءتۇنى پرەزيدەنت رادجاپاكسا مەن ونىڭ جۇبايىنىڭ مالديۆكە اتتانعانى تۋرالى بەلگىلى بولدى. بۇعان دەيىن پرەزيدەنت وتستاۆكاعا كەتەتىنىن مالىمدەگەن. ول كەتكەننەن كەيىن ۇكىمەت بۇكىل شري-لانكادا توتەنشە جاعداي ەنگىزدى، ال ەلدىڭ استاناسى كولومبو ورنالاسقان باتىس پروۆينسياسىندا دا كومەندانتتىق ساعات ەنگىزىلدى.