شىعىس قازاقستان وبلىستىق حالىقتىق شتابتىڭ مۇشەلەرى «كوز ميكروحيرۋرگياسى كلينيكاسى» ج ش س قىزمەتكەرلەرىمەن كەزدەسۋ وتكىزىپ، اەس سالۋدىڭ ماڭىزدىلىعى تۋرالى پىكىر الماستى، دەپ حابارلايدى aqshamnews.kz Azattyq Rýhykz سىلتەمە جاساپ.
«ەنەرگەتيكا مينيسترلىگىنىڭ دەرەكتەرىنە سايكەس، 2035 جىلعا قاراي قازاقستاندا ەلەكتر ەنەرگياسىن تۇتىنۋ 152،4 ملرد كۆت/ساعاتقا جەتەدى. الايدا قازىرگى جۇمىس ىستەپ تۇرعان ەلەكتر ستانسالارىنىڭ ءوندىرىس قۋاتى 135 ملرد كۆت/ساعاتتى قۇرايدى. اراداعى تاپشىلىقتى رەسەيدەن يمپورتتاپ جاۋىپ وتىرمىز. بۇل ەلىمىزدىڭ ەنەرگەتيكالىق تاۋەلدىلىگىن كۇشەيتىپ، بولاشاقتا قاۋىپ-قاتەر تۋىنداتۋى مۇمكىن. مىسالى، سولتۇستىك كورشىمىزدە قانداي دا ءبىر توتەنشە جاعداي بولسا، ءبىز دە سونىڭ سالدارىن تارتامىز. سوندىقتان بۇل ماسەلەنى شەشۋ قاجەت»، – دەيدى ءۇمز اق عىلىمي ورتالىعىنىڭ باستىعى، فيزيكا-ماتەماتيكا عىلىمدارىنىڭ دوكتورى، پروفەسسور ماناربەك كىلىشكانوۆ.
كەزدەسۋ بارىسىندا اەس قۇرىلىسىنىڭ قورشاعان ورتاعا اسەرى، اپاتتىق جاعدايلاردى بولدىرماۋعا ارنالعان قاۋىپسىزدىك شارالارى، قاجەتتى رەسۋرستار مەن بىلىكتىلىكتىڭ ماڭىزدىلىعى كەڭىنەن تالقىلاندى.
بۇل كەزدەسۋ اەس سالۋ ماسەلەسىنىڭ قوعامدا ماڭىزدى ءارى وزەكتى ەكەندىگىن كورسەتىپ، ەنەرگەتيكالىق تاۋەلسىزدىككە قول جەتكىزۋ جولىنداعى العاشقى قادامداردىڭ ءبىرى بولدى.