ۇستاپ كورەتىن فوتوسۋرەتتەر: زاعيپ جانە ناشار كورەتىندەرگە ارنالعان الماتىداعى ەرەكشە كورمە
Canon كومپانياسى قازاقستاندا كورۋ قابىلەتى بۇزىلعان ادامدار مەن كورەرمەننىڭ اراسىنداعى شەكارانى جويۋعا ارنالعان «كورىنبەيتىن الەم» كورمەسىنءىڭ وتەتىندىگىن ماقتانىشپەن جاريالايدى. الماتىدا العاش رەت وتەتىن بۇل ينكليۋزيۆتىلىك جولىنداعى ماڭىزدى وقيعا زاماناۋي ونەر مەن تەحنولوگيالار الەمدى قابىلداۋداعى ايىرماشىلىقتارعا قاراماستان ادامداردى قالاي بىرىكتىرە الاتىنىن ءتۇسىنۋ جولىنداعى ماڭىزدى قادام بولماق.
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرى بويىنشا، دۇنيە جۇزىندە 2،2 ميللياردتان استام ادام كورۋ قابىلەتىنىڭ بۇزىلۋىنىڭ ءارتۇرلى تۇرلەرىمەن بەتپە-بەت كەلەدى جانە ولاردىڭ كوپشىلىگى ءۇشىن فوتوسۋرەت قۇپيا بولىپ قالا بەرمەك. قازاقستاندا 160 مىڭعا جۋىق ادام وسىنداي شەكتەۋلەرمەن ءومىر سۇرەدى. "كورىنبەيتىن الەم" كورمەسى كەدەرگىلەردى جويۋعا تىرىسىپ، ونەردى كورۋ قابىلەتىنە قاراماستان بارلىعىنا قولجەتىمدى ەتەدى.
كورمەدە رەلەفتىك سۋرەتتەرمەن، دىبىستىق سيپاتتامالارمەن، سونداي-اق برايل شريفتىمەن ورىندالعان ماتىندەرى بار تانىمال فوتوگرافتاردىڭ جۇمىستارى ۇسىنىلادى. بۇل تاكتيلدى جانە اۋديوۆيزۋالدى ەلەمەنتتەر ناشار كورەتىن جانە زاعيپ ادامدارعا شەبەرلەر ايتقان بەينەلەر مەن اڭگىمەلەر الەمىنە ەنىپ، جاناسۋ مەن دىبىس ارقىلى فوتوسۋرەتتەردى سەزىنۋگە ەرەكشە مۇمكىندىك بەرەدى.
كورۋ قابىلەتى جاقسى كورەرمەن ءۇشىن كورمە جوعارى ساپالى فوتوگرافيالىق ونەرمەن كەزدەسۋ عانا ەمەس، سونىمەن قاتار كورۋ قابىلەتى بۇزىلعان ادامداردىڭ كوزىمەن الەمدى سەزىنۋ مۇمكىندىگى بولادى. ارنايى كوزىلدىرىك-سيمۋلياتورلاردىڭ كومەگىمەن گلاۋكومادان ديابەتتىك رەتينوپاتياعا دەيىنگى ءارتۇرلى ۆيزۋالدى پاتولوگيالارداعى كەسكىندەردى قابىلداۋدىڭ قالاي وزگەرەتىنىن كورۋگە بولادى.
"Canon - دا ءبىز الەمدى وزگەرتە الاتىن سۋرەتتەردىڭ كۇشىنە سەنەمىز جانە "كورىنبەيتىن الەم" كورمەسى يننوۆاسيانىڭ ونەردى بارلىعىنا قولجەتىمدى ەتە الاتىنىنىڭ جارقىن مىسالى بولىپ تابىلادى. زاماناۋي باسىپ شىعارۋ تەحنولوگيالارى كورۋ قابىلەتى شەكتەۋلى ادامدار ءۇشىن قابىلداۋدىڭ جاڭا كوكجيەگىن اشاتىن جاناسىپ "كورۋگە" بولاتىن كەسكىندەردى جاساۋعا مۇمكىندىك بەرەدى"، — دەپ اتاپ ءوتتى Canon كومپانياسىنىڭ وكىلى.
بۇل كورمە تەك مادەني وقيعا عانا ەمەس، سونىمەن قاتار اركىم ونەرگە قول جەتكىزۋگە قۇقىلى نەعۇرلىم ينكليۋزيۆتى قوعامعا جاسالعان ماڭىزدى قادام. "كورىنبەيتىن الەم" ونەر قانداي بولۋى كەرەك جانە مادەني ءىس-شارالاردىڭ بولاشاعى قانداي بولۋى مۇمكىن دەگەن ۇعىمدى وزگەرتەدى.
وتەتىن كۇنى: 2024 جىلعى 25 قىركۇيەك-24 قازان ارالىعى
ۋاقىتى: 10:00 - 19:00، دۇيسەنبى - جابىق
وتەتىن ورنى: ءا. قاستەيەۆ ات.ق ر ممي ورتالىق كورمە زالى
كىرۋ تەگىن