شىعىس قازاقستان وبلىسىندا تاعى دا جۇك پويىزى رەلستەن شىعىپ كەتتى، دەپ حابارلايدى Almaty-akshamy.kz.
شقو كولىكتەگى پوليسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وقيعا 22 ماۋسىمدا سەرەبريانسك قالاسىنىڭ ماڭىندا بولعان.
«كوكجيەك-كۇمىستاۋ تەمىرجول ۋچاسكەسىنىڭ 95ء-شى شاقىرىمىندا جۇك پويىزىنىڭ ۆاگوندارى رەلستەن شىعىپ كەتتى. اتالعان فاكتى قازاقستان رەسپۋبليكاسى قىلمىستىق كودەكسىنىڭ 344-بابى 1-بولىگى (جول قوزعالىسى نەمەسە تەمىر جول كولىگىن پايدالانۋ قاۋىپسىزدىگى قاعيدالارىن بۇزۋ) بويىنشا سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە ەنگىزىلدى»، - دەلىنگەن اقپاراتتا.
وقيعانىڭ سەبەبى انىقتالىپ جاتىر. زارداپ شەككەن ەشكىم جوق. قازىرگى ۋاقىتتا ۋچاسكەدە قوزعالىستى قالىپقا كەلتىرۋ جۇمىستارى ءجۇرىپ جاتىر.
ەستەرىڭىزگە سالا كەتسەك، بيىل ءساۋىر ايىندا شقو-دا جۇك تيەلگەن 18 ۆاگون رەلستەن شىعىپ كەتكەن بولاتىن.