وقۋ-اعارتۋ ۆيسە-مينيسترى عاني بەيسەمبايەۆتىڭ ەڭبەك دەمالىسى تولەمدەرىن تولەۋگە قاتىستى تۇسىنىكتەمە بەردى، دەپ حابارلايدى Almaty-akshamy.kz Baq.kz-كە سىلتەمە جاساپ.
ماۋسىم ايىنىڭ باسىنان باستاپ اكىمدىكتەر پەداگوگتەرگە 246 ملرد تەڭگە كولەمىندە ەڭبەك دەمالىسى اقىسىن ۋاقىتىلى اۋداردى. وڭىرلەردىڭ باسىم بولىگىندە مۇعالىمدەرگە ەڭبەك دەمالىسى اقىسى تولىق تولەنگەن.
ەڭبەك دەمالىسى مەن اي سايىنعى ەڭبەكاقى جەرگىلىكتى بيۋدجەت ەسەبىنەن (اكىمدىكتەر) تولەنەتىنىن ەسكە سالا كەتەيىك. سونىمەن قاتار تالداۋ بارىسىندا مينيسترلىك ءبىرقاتار وڭىردە 28 ملرد تەڭگە كولەمىندەگى قاراجات ۋاقىتىلى اۋدارىلماعانىن تىركەدى. مۇنىڭ باستى سەبەبى - قاراجاتتىڭ جەتىسپەۋشىلىگىنەن ەمەس، كەرىسىنشە جەرگىلىكتى دەڭگەيدەگى جۇمىستار مەن ءراسىم ماسەلەلەرىنە بايلانىستى بولىپ وتىر.
:«بۇل ماسەلەلەر تولىعىمەن جەرگىلىكتى ءبىلىم باسقارمالارىنىڭ قۇزىرەتىنە جاتادى. سوندىقتان مۇنداي مالىمدەمەلەرگە جاۋاپكەرشىلىكپەن قاراپ، كەيبىر ماسەلەلەردىڭ قاي مەملەكەتتىك ورگانداردىڭ قۇزىرىندا ەكەنىن ەسكەرۋدى سۇرايمىز»، - دەدى ول.
ماسەلە مينيسترلىكتىڭ باقىلاۋىندا تۇر.
«اكىمدىكتەردىڭ مالىمەتىنشە، تولەم ماسەلەسى ءبىر اپتا ىشىندە شەشىلەدى. ساپانى قامتاماسىز ەتۋ جونىندەگى وڭىرلىك دەپارتامەنتتەر ءبىلىم بەرۋ سالاسى قىزمەتكەرلەرىنە اي سايىنعى ەڭبەكاقىنى ۋاقىتىلى تولەۋىن باقىلاۋدى جالعاستىرادى»، - دەدى ول.
ەستەرىڭىزگە سالا كەتەيىك، دەپۋتات مۇعالىمدەر الدىنداعى بەرەشەك 30 ملرد تەڭگە ەكەنىن ايتىپ، مينيسترگە دەپۋتاتتىق ساۋال جولداعان بولاتىن.