شىعىس قازاقستاندا 71 ەلدى مەكەندە سۋ تاسقىنى بولۋى مۇمكىن.
شىعىس قازاقستان وبلىسىندا سۋ تاسقىنى ءقاۋپى بار ۋچاسكەلەردى باقىلاۋعا 260 ۆولونتەر تارتىلدى، دەپ حابارلايدى اlmaty-akshamy.kz
شىعىس قازاقستاندا 71 ەلدى مەكەندە سۋ تاسقىنى بولۋى مۇمكىن. بۇگىندە اتقارىلعان شارالاردىڭ ناتيجەسىندە، 15 ەلدى مەكەندە ءقاۋىپ تولىقتاي جويىلىپ، 46-سىندا ازايتىلعان.
شقو اقپارات ورتالىعىنىڭ مالىمەتىنشە، قازىرگى ۋاقىتتا قۇتقارۋشىلارعا ۆولونتەرلەر دە كومەكتەسۋدە. ولار سۋ تاسقىنى ءقاۋپى بار ۋچاسكەلەرگە تۇراقتى مونيتورينگ جۇرگىزىپ، اۋلالاردى قاردان تازارتىپ، تۇرعىندارعا قاۋىپسىزدىك ەرەجەلەرىن تۇسىندىرۋدە.
«وبلىس بويىنشا بارلىعى 260 ۆولونتەر جۇمىلدىرىلدى. جەكە سەكتوردىڭ، جالعىز تۇراتىن قارتتاردىڭ، كوپبالالى جانە از قامتىلعان وتباسىلاردىڭ ۇيلەرىن قاردان تازارتۋ بويىنشا 20-دان استام شارا وتكىزدى. سونداي-اق ەرىكتىلەر تجد وكىلدەرىمەن بىرلەسىپ قالالار مەن اۋدانداردا ۇيلەردى ارالاپ، حالىققا سۋ تاسقىنى ءقاۋپى تۋرالى 2500-گە جۋىق جادىناما تاراتتى»، - دەلىنگەن حابارلامادا.