ءبىلىم ساپاسىن ارتتىرۋ وزەكتى ماسەلە بولىپ قالا بەرەدى.
ق ر وقۋ-اعارتۋ ءمينيسترى عاني بەيسەمبايەۆ الماتىعا جۇمىس ساپارى بارىسىندا ۇستازدارمەن جانە ءبىلىم بەرۋ ۇيىمدارىنىڭ باسشىلارىمەن كەڭەس وتكىزدى، دەپ حابارلايدى اlmaty-akshamy.kz.
ق ر وقۋ-اعارتۋ مينيسترلىگىنىڭ باسپا ءسوز قىزمەتىنىڭ مالىمەتىنشە، الماتى قالاسىنىڭ اكىمى ەربولات دوسايەۆ پەن عاني بەيسەمبايەۆ قول قويعان الماتى قالاسىنىڭ ءبىلىم بەرۋ جۇيەسىن دامىتۋدىڭ جول كارتاسى ءبىلىم ساپاسىن ارتتىرۋعا، جايلى جانە ءقاۋىپسىز ورتانى قامتاماسىز ەتۋگە باعىتتالعان 80-نەن استام ءىس-شارانى قامتيدى. سونىڭ ىشىندە مۇعالىمدەردىڭ بىلىكتىلىگىن ارتتىرۋ جانە اتتەستاسيالاۋ، مۇعالىمدەردىڭ بىلىكتىلىگىن ارتتىرۋ كۋرستارىنىڭ مازمۇنىن جاڭارتۋ ماسەلەلەرى بار.
«ءبىلىم ساپاسىن ارتتىرۋ، ۇستاز مارتەبەسىن ودان ءارى كوتەرمەلەۋ وزەكتى ماسەلە بولىپ قالا بەرەدى. 2020–2021 جىلدارى مەكتەپتەردىڭ جاڭارتىلعان باعدارلامالارعا كوشۋى اياقتالدى، ءبىلىم بەرۋ ۇيىمدارىن باعالاۋ كريتەرييلەرى ەنگىزىلدى. ءبىلىم بەرۋ ۇيىمدارى باسشىلارىنىڭ رەسپۋبليكالىق كادر رەزەرۆىن جاساقتاۋ جوسپارلانۋدا»، – دەدى مينيستر.
كەزدەسۋ بارىسىندا ارنايى ءبىلىم بەرۋ، تاربيە جۇمىسى، بالالاردىڭ قاۋىپسىزدىگىن قامتاماسىز ەتۋ جانە ينفراقۇرىلىمدى دامىتۋ ماسەلەلەرى تالقىلاندى.
عاني بەيسەمبايەۆ جۇمىس ساپارى بارىسىندا اباي اتىنداعى دارىندى بالالارعا ارنالعان رەسپۋبليكالىق جالپى ءبىلىم بەرەتىن مەكتەپ-ينتەرناتىنىڭ جۇمىسىمەن تانىستى. سونىمەن قاتار، وقۋ-اعارتۋ ءمينيسترى بالالاردىڭ قاۋىپسىزدىگىن تەكسەرۋ ماقساتىندا ءبىرقاتار ءبىلىم بەرۋ ۇيىمدارىن ارالادى.