شىعىس قازاقستان وبلىسىندا ستۋدەنت قىز اكەسىنەن سوت ارقىلى اليمەنت ءوندىرىپ الدى، - دەپ حابارلايدى aqshamnews.kz ءتىلشىسى.
اكەسىنەن اليمەنت ءوندىرىپ العىسى كەلگەن قىز التاي اۋداندىق سوتىنا تالاپ ارىز جازعان. ول اي سايىن 30 اەك (117 960 تەڭگە) مولشەرىندە اليمەنت تولەپ وتىرۋدى سۇراعان. سەبەبى ءقازىر ۋنيۆەرسيتەت ستۋدەنتى جانە قارجىلاي كومەككە مۇقتاجتىعىن العا تارتقان.
"ەر ادام قىزىنىڭ تالاپ ارىزىمەن كەلىسپەي، اليمەنت مولشەرىنىڭ تىم جوعارى ەكەنىن ايتتى. ول ءوزىنىڭ ءتورت بالاسىن اسىراپ كەلە جاتقانىن جانە جالاقىسىنان ءقازىردىڭ وزىندە اليمەنت بويىنشا اقشا ۇستالىپ جاتقانىن ءتۇسىندىردى. الايدا جاۋاپكەر قىزىنا ەرىكتى تۇردە ماتەريالدىق كومەك كورسەتكەنى تۋرالى ناقتى دالەلدەر كەلتىرە العان جوق"، - دەپ حابارلادى شقو سوتىنىڭ باسپا ءسوز قىزمەتىنەن.
سوت ەر ادامنىڭ ماتەريالدىق جاعدايىن ەسكەرە وتىرىپ، اليمەنت مولشەرىن اي سايىن 10 اەك (39 320 تەڭگە) دەپ بەلگىلەدى. تولەم قىز 21 جاسقا تولعانعا دەيىن جالعاسادى.