شقو-دا سپورت سەكسيالارىنىڭ سانى ارتادى

سپورتتىڭ 17 ءتۇرى بويىنشا 160 تەگىن سەكسيا اشىلدى

شقو-نىڭ ورتا مەكتەپتەرىندە ءۇش مىڭنان استام سپورت سەكسياسى اشىلادى، دەپ حابارلايدى Almaty-akshamy.kz Altaynews-كە سىلتەمە جاساپ.
وبلىستا سپورتتىق ينفراقۇرىلىمدى كەڭەيتۋ سوڭعى جىلدارى قارقىن الدى. شالعايدا ورنالاسقان اۋىل-ايماقتاردا سالىنعان ءتۇرلى زاماناۋي سپورتتىق نىساندار حالىقتىڭ سپورتقا دەگەن قولجەتىمدىلىگىن ارتتىردى.
بيىل وبلىس بويىنشا 14 سپورت نىسانىنىڭ قۇرىلىسى جالعاسادى. اتاپ ايتساق، ءبىر ۇستەل تەننيسى ورتالىعى، سەگىز دەنە شىنىقتىرۋ-ساۋىقتىرۋ كەشەنى مەن ەكى باسسەين سالىنادى. اۋدان ورتالىقتارىندا، شەكارا ماڭىنداعى اۋىلداردا ءۇش سپورت ءمودۋلى پايدا بولادى، - دەيدى وبلىس اكىمى دانيال احمەتوۆ.
 جالپى، بيىل بوي كوتەرەتىن ءىرى سپورتتىق نىساننىڭ ءبىرى وبلىس ورتالىعىندا ەلىمىزدە تەڭدەسى جوق 58 كورتقا ارنالعان ءارى 300-گە جۋىق كورەرمەن ورنى بار ۇستەل تەننيسى ورتالىعى بولماق. 
الداعى ءتورت جىل ىشىندە وبلىستىڭ جالپى ءبىلىم بەرەتىن مەكتەپتەرىندە قوسىمشا 3213 سپورت سەكسياسى اشىلادى. ونىڭ 22 مىڭ بالاعا ارنالعان 1268ء-ى بيىل اشىلادى.
سونىمەن قاتار وبلىس ورتالىعىندا جان باسىنا قارجىلاندىرۋ اياسىندا سپورتتىڭ 17 ءتۇرى بويىنشا 160 تەگىن سەكسيا اشىلدى.