ءتارتىپ بۇزۋشىعا 200 اەك ايىپپۇل سالىندى
شىعىس قازاقستان وبلىسىنىڭ كوشى-قون قىزمەتى قوس ازاماتتىعى بارلاردى جاۋاپقا تارتۋدى جالعاسىتىرىپ جاتىر، دەپ حابارلايدى Almaty-akshamy.kz التاينيۋسكە سىلتەمە جاساپ.
«جىل باسىنان بەرى ازاماتتىق تۋرالى زاڭدى بۇزعان 30-دان استام ادام اكىمشىلىك جاۋاپكەرشىلىككە تارتىلدى»، – دەپ حابارلادى شقو پد باسپا ءسوز قىزمەتى.
ماسەلەن، پوليسيا قىزمەتكەرلەرى ءساۋىر ايىنىڭ سوڭىندا گلۋبوكوە اۋدانىنىڭ 67 جاستاعى تۇرعىنىندا قوس ازاماتتىق بار ەكەنىن انىقتاعان. ول 2016 جىلدىڭ قىركۇيەگىندە التاي ولكەسىندە رەسەي فەدەراسياسىنىڭ ازاماتتىعىن العان، ءبىراق بۇل تۋرالى ىشكى ىستەر ورگاندارىنا نەمەسە ق ر شەت ەلدەردەگى مەكەمەلەرىنە حابارلاماعان. ءتارتىپ بۇزۋشىعا 200 اەك ايىپپۇل سالىندى.