شقو-دا كونە ساق قورىمدارىن زاڭسىز قازعاندار جازاعا تارتىلدى

شىعىس قازاقستان وبلىسى زايسان اۋدانىندا كونە ساق قورىمدارىن زاڭسىز قازعان 3 ادام جازاعا تارتىلدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
بىلتىردان بەرى زايسان اۋدانى شىلىكتى اۋىلىندا ورنالاسقان قولا ءداۋى-رىنىڭ سوڭىن¬داعى ەسكەرتكىش سانالاتىن ساق قورىمدارىنىڭ تونالىپ جاتقاندىعى جايلى بۇقارالىق اقپارات قۇرالدارى تالاي مارتە جازىپ كەلەدى. جۋىقتا الەۋمەتتىك جەلىلەردە زاڭسىز قورىم قازىپ، التىن ىزدەپ جۇرگەندەردىڭ ۇستالعانى تۋرالى اقپارات تاراپ، قىزۋ تالقىلانعان ەدى. اتالعان جايتقا وراي، شقو پوليسيا دەپارتامەنتى رەسمي مالىمدەمە جاسادى. 
«اتالعان فاكتى وسى جىلدىڭ 20 مامىرىندا بەلگىلەنگەن تارتىپپەن زايسان اۋداندىق پوليسيا بولىمىندە تىركەلدى. 3 ادام ءىستىڭ انىق-قانىعىنا جەتۋ ءۇشىن بولىمشەگە جەتكىزىلدى. تەكسەرۋ ناتيجەلەرى بويىنشا ولارعا ق ر اقبتك-نىڭ 463-بابىنا سايكەس (تيiستi تiركەۋسiز، رۇقساتسىز نەمەسە حابارلاما جىبەرمەي كاسىپكەرلىك نەمەسە وزگە دە قىزمەتپەن اينالىسۋ) اكىمشىلىك حاتتاما تولتىرىلىپ، 15 اەك مولشەرىندە ايىپپۇل سالىندى. تەكسەرۋ شارالارى اياقتالعاننان كەيىن ماتەريال تۇپكىلىكتى شەشىم قابىلداۋ ءۇشىن سوتقا جولدانادى»، - دەلىنگەن اقپاراتتا.