قۇتقارۋشىلار تۇرعىندارعا قاۋىپسىزدىك ەرەجەلەرىن قاتاڭ ساقتاۋدى ەسكەرتەدى
زايسان اۋدانىندا ءۇش بىردەي ەر ادام ءبىر وتار قويمەن بىرگە جوعالىپ كەتكەن، دەپ حابارلايدى Almaty-akshamy.kz التاينيۋس اگەنتتىگىنە سىلتەمە جاساپ.
شوپاندار ءبىرجان اۋىلدىق وكرۋگى اۋدانىنداعى قىستاقتان تاڭەرتەڭ ەرتە شىعىپ، قايتىپ ورالماعان. ولاردىڭ جوعالىپ كەتكەندىگى تۋرالى تج قىزمەتىنە جەرگىلىكتى تۇرعىندار حابارلاپتى.
«وقيعا ورنىنا كەلگەن قۇتقارۋشىلار دەرەۋ ىزدەۋ جۇمىستارىنا كىرىستى. ناتيجەسىندە، وتار قويمەن اداسىپ جۇرگەن شوپاندى تاپتى. تاعى ءبىر ەر ادام ەكى ساعاتتان كەيىن تابىلدى. ارتىنشا ءۇشىنشى شوپان دا امان-ەسەن تابىلدى. جوعارى ءوتىمدى كۋنگ تەحنيكاسىندا قۇتقارۋشىلار جوعالعانداردى قىستاۋعا دەيىن جەتكىزدى. ءقازىر ولارعا ءقاۋىپ ءتونىپ تۇرعان جوق»، - دەدى شقو تجد باسپا ءسوز قىزمەتى.
قۇتقارۋشىلار تۇرعىندارعا قاۋىپسىزدىك ەرەجەلەرىن قاتاڭ ساقتاۋدى ەسكەرتەدى.