قازاق كسر ءبىلىم بەرۋ ءمينيسترى ومىردەن ءوتتى

ول ۇنەمى ءبىلىم بەرۋ ىسىندەگى جاڭالىقتاردى قاداعالاپ، ءوز تاجىريبەسىمەن ءبولىسىپ وتىراتىن

وتاندىق ءبىلىم بەرۋ ءىسىنىڭ كوريفەيى، قازاق كسر ءبىلىم بەرۋ ءمينيسترى بولعان قاجاحمەت بالاحمەتوۆ 96 جاسىندا ومىردەن ءوتتى، دەپ حابارلايدى Almaty-akshamy.kz.

قارالى حابارمەن الەۋمەتتىك جەلىدە ق ر ءبىلىم جانە عىلىم ءمينيسترى اسحات ايماعامبەتوۆ ءبولىستى.

بۇگىن وتاندىق ءبىلىم بەرۋ ءىسىنىڭ كوريفەيى، قازاق كسر ءبىلىم بەرۋ ءمينيسترى بولعان قاجاحمەت بالاحمەتوۆ ومىردەن وتكەندىگى تۋرالى سۋىت حابار جەتىپ، كوڭىلدى قۇلازىتتى.
قاجاحمەت بالاحمەت ۇلى ەلىمىزدىڭ ءبىلىم بەرۋ سالاسىن دامىتۋعا باعا جەتپەس ۇلەس قوسقان ادام. بۇل سالانى 13 جىلدان استام باسقارعان ول، بالالار مەن جاستاردى وقىتۋ ماسەلەسىنە ەرەكشە نازار اۋداراتىن. 
سوڭعى رەت قاجاحمەت بالاحمەتوۆپەن بيىل جازدا 95 جاس مەرەيتويىمەن قۇتتىقتاپ بارعانىمدا كەزدەسىپ ەدىك. ول ۇنەمى ءبىلىم بەرۋ ىسىندەگى جاڭالىقتاردى قاداعالاپ، ءوز تاجىريبەسىمەن ءبولىسىپ وتىراتىن. 
قاجاحمەت بالاحمەت ۇلىنىڭ تۋعان-تۋىستارى مەن جاقىندارىنا قايعىلارىنا ورتاقتاسىپ، كوڭىل ايتامىن،-دەپ جازدى مينيستر.