بالالار تۋعان ولكەنىڭ تاريحى مەن داستۇرلەرى تۋرالى بىلە الادى.
شىعىس قازاقستان وبلىسىندا بالالارعا قازاق ءتىلىن ۇيرەتۋ ءۇشىن «قوناق وتباسى» جوباسى جۇزەگە اسىرىلماق، دەپ حابارلايدى Almaty-akshamy.kz قازاقپاراتقا سىلتەمە جاساپ.
شقو اكىمدىگىنىڭ مالىمەتىنە سۇيەنسەك، بالالارعا قازاق ءتىلىن ۇيرەتۋ ءۇشىن بيىلعى جازدا ەكى پيلوتتىق جوبا قولعا الىنباق.
«ءبىرىنشىسى - جازعى لاگەرلەر، ەكىنشىسى - ەۋروپا ەلدەرىنىڭ ۇلگىسى بويىنشا «قوناق وتباسى» جوباسى. بۇل تاجىريبەلەردى زەرتتەپ، ولاردى ءبىزدىڭ جاعدايعا بەيىمدەۋىمىز كەرەك. 500-دەن استام بالا 30 كۇن اۋىلداعى قازاق وتباسىلارىندا قوناقتا بولىپ، اۋىزەكى قازاق ءتىلىن ۇيرەنەتىن بولادى. وسى رەتتە، كاتونقاراعايدى باسىم اۋدان رەتىندە تاڭداپ وتىرمىز. ويتكەنى مۇندا وقىتۋ ءۇشىن عانا ەمەس، ناتيجەلى جانە پايدالى دەمالىس پەن ساۋىقتىرۋ ءۇشىن دە بارلىق مۇمكىندىك بار»، - دەيدى وبلىس اكىمى دانيال احمەتوۆ.
ءدال وسى جەردە بالالار تۋعان ولكەنىڭ تاريحى مەن داستۇرلەرى تۋرالى بىلە الادى. ەندى ءبىلىم باسقارماسى مەن اۋدان اكىمدىگى قولايلى وتباسىلاردى ىزدەۋ بويىنشا جۇمىس جۇرگىزۋى ءتيىس.
«مۇندا سانيتارلىق جاعدايدان باستاپ ۇيدەگى پسيحولوگيالىق احۋالعا دەيىن بارلىعىن ەسكەرۋ قاجەت. بالانى قابىلدايتىن ءاربىر وتباسى 181 مىڭ تەڭگە الادى. سونداي-اق ءتىلدى ۇيرەتۋ عانا ەمەس، ەكسكۋرسيالاردى، ءداستۇرلى ويىنداردى قامتيتىن باعدارلاما ازىرلەۋ كەرەك»، - دەيدى ايماق باسشىسى.