جۇڭگو جەرىندە ورنالاسقان گوبي شولىندە الىپ بالا «ۇيىقتاپ» جاتىر.
بۇل «جەردىڭ ۇلى» ءمۇسىنى دەپ اتالادى ەكەن. شىنايى بالاعا قاتتى ۇقسايتىن ءمۇسىننىڭ ۇزىندىعى – 9 مەتر، بيىكتىگى – 4 مەتر. وسىنداي الىپ بالانى جاساۋشىلاردىڭ ويى «ءبىز ءبارىمىز جەردىڭ بالاسىمىز، سوندىقتان جەر-اناعا ءاردايىم ريزاشىلىعىمىزدى ءبىلدىرىپ وتىرۋىمىز كەرەك» دەگەنگە سايادى.
سونداي-اق، سول ارقىلى تابيعاتتى ايالاۋعا شاقىرىپ وتىر. الىپ بالانى ءتاتتى ۇيقىسىنان وياتىپ الماي جاساپ شىعۋ پروسەسى وڭايعا سوقپاعان. ويتكەنى، ءمۇسىن وتە ۇلكەن. ونى جاساۋ ءۇشىن 3D تەحنولوگياسى قولدانىلعان.
جەرگىلىكتى بيلىك ءمۇسىندى كەدەرگىسىز تاسىمالداۋ، قۇرىلىس جۇمىستارىن ويداعىداي قامتاماسىز ەتۋ ءۇشىن جاقىن جەرگە جول سالعان. ءسويتىپ، ءتاتتى ۇيقىداعى ءسابي گوبي شولىنە از ۋاقىت ىشىندە-اق سان مىڭداعان ءتۋريستى تارتىپ ۇلگەردى. ءقازىر بالا جاتقان ماڭ تۋريزم ايماعىنا اينالىپ كەتتى