تىشقاننىڭ اتا جاۋى – مىسىقتىڭ دا ارتىقشىلىقتارى كوپ.
ماسەلەن، مىسىقتاردىڭ جۇرەگى بىزدىكىمەن، ياعني ادامدارمەن سالىستىرعاندا ەكى ەسە جىلدام سوعادى. ولار دىرىلگە وتە سەزىمتال. ادامعا قاراعاندا، جەر سىلكىنىسىن 10–15 مينۋت بۇرىن سەزەدى.
مىسىقتىڭ دەنەسىندە 230 سۇيەك بار، ال بىزدە 206 سۇيەك. الەمدە ەڭ باي مىسىق تا بار. اتى – بلەكي. وعان قوجايىنى بەن ري 15 ميلليون فۋنت ستەرلينگ مۇرا قالدىرىپ كەتكەن كورىنەدى. ال داستي ەسىمدى مىسىق ۇرپاق سانى بويىنشا رەكورد ورناتىپ، كىتاپقا ەنگەن. ول ءوز ومىرىندە 420 مارعاۋ تۋعان.
گيننەستىڭ رەكوردتار كىتابىنا ەنگەن ەڭ اۋىر مىسىقتىڭ اتى – Himmy. ول اۆستراليانىڭ كۆينسلەند شتاتىنان. 21 كەلى سالماقپەن رەكوردتار كىتابىنا ەنگەن مىسىق 10 جىل ءومىر سۇرگەن.
مىسىقتار، ادەتتە، 20 جىلعا دەيىن ءومىر سۇرەدى، بۇل كورسەتكىش ادامداردا 96 جاسقا تەڭ. شوتلانديادا تاۋزەر اتتى مىسىقتىڭ قۇرمەتىنە ورناتىلعان ەسكەرتكىش مۇنارا بار. ول ءوز ومىرىندە شامامەن 30 مىڭ تىشقان اۋلاعان.
مىسىقتاردىڭ يتتەردەن ايىرماشىلىعى، ولار تاتتىگە قۇمارتپايدى. ۇرعاشىلارى، ادەتتە، جەردى وڭ تابانىمەن قازسا، ەركەك مىسىقتار سول تابانىمەن قازادى.
مىسىقتار شامامەن 100 ءتۇرلى دىبىس شىعارادى. ال يتتەر تەك 10 ءتۇرلى دىبىس شىعارا الادى. ەجەلگى ەگيپەتتە ءۇي مىسىعى ولگەن كەزدە، وتباسى مۇشەلەرى قاستارىن قىرىپ، ونى جوقتاپ، قايعىرعان. ولار سونداي-اق، مىسىق ولگەن كەزدە شاراپ ءىشىپ، كەۋدەلەرىن ۇرىپ، جەرلەۋ ءراسىمىن وتكىزگەن.