شوكولادتىڭ جاھاندىق قورىنا ءقاۋىپ ءتوندى

تەحاس ۋنيۆەرسيتەتىنىڭ عالىمدارى جويقىن ۆيرۋستىڭ الەمدەگى شوكولاد قورىنا ءقاۋىپ توندىرەتىنىن انىقتادى.

بۇل جايىندا islam.kz پورتالى PLOS ONE ممەرزىمدى باسىلىمىنا سىلتەمە جاساي وتىرىپ ءمالىم ەتەدى،دەپ حابارلايدى Almaty-akshamy.kz.

بۇل ارادا بۇكىل الەمدىك ازىق-تۇلىك قاۋىپسىزدىگىندە ماڭىزدى ءرول وينايتىن كاكاو وندىرىسىنە تىكەلەي ءقاۋىپ تۋراسىندا ءسوز بولىپ وتىر. ۆيرۋس دۇنيەجۇزىندەگى شوكولاد وندىرەتىن ءۇش ءىرى ورتالىقتىڭ بىرىنەن سانالاتىن گاناداعى كاكاو بۇرشاقتارىنىڭ 15-50 پايىزىن جوعالتۋعا اكەلىپ سوقتىراتىن، قوپسىتقىشتار دەپ اتالاتىن جاندىكتەر زيانكەستەر ارقىلى تارالادى. پەستيسيدتىڭ وزىنە بوي بەرمەيتىن جاندىكتەر كاكاو اعاشتارىنىڭ جاپىراقتارىن، بۇرشىكتەرىن جانە گۇلدەرىن قورەك ەتەدى، ال ۆيرۋس كاكاونى قاتەرلى اۋرۋعا (CSSVD) شالدىقتىرادى. فەرمەرلەر جۇقپالى اۋرۋلاردان قورعاۋ ءۇشىن اعاشتارعا ەكپە ەنگىزۋ ارقىلى اۋرۋدىڭ تارالۋىنا توسقاۋىل قويا الادى. دەگەنمەن، ەكپەنىڭ قۇنى جوعارى، ياعني، جالاقىسى تومەن فەرمەرلەر ءۇشىن قىمباتقا تۇسەدى. بۇدان بولەك، ەكپە العان اعاشتار از ءونىم بەرەدى. ياعني، بۇل اۋرۋمەن ەكپە ارقىلى كۇرەسۋ تيىمسىزدىك تانىتۋدا. اۋرۋمەن كۇرەسۋ ءۇشىن جاڭا ستراتەگيا ازىرلەندى – بۇل ستراتەگيا ەكپە العان اعاشتار مەن كادىمگى اعاشتاردىڭ اراقاشىقتىعىن ساقتاۋعا سايادى، دالىرەگى، اۋرۋ جۇقتىرماسى ءۇشىن ەكپە العان اعاش پەن كادىمگى اعاشتىڭ بىر-بىرىنەن قاشىق ورنالاستىرۋ كەرەك.