ۇكىمەت 2025 جىلعى 31 جەلتوقساندا بەكىتكەن ساتۋعا جانە يمپورتقا بايلانىستى سالىق سالىناتىن اينالىمعا ققس مولشەرلەمەسى قولدانىلاتىن دارىلىك زاتتاردىڭ، مەديسينالىق بۇيىمداردىڭ، ولاردىڭ جيناقتاۋشى بولشەكتەرىنىڭ، سونداي-اق تەحنيكالىق قوسالقى قۇرالداردىڭ تىزبەسىنە ەنگىزىلگەن تاۋارلارعا ققس مولشەرلەمەسى 2026 جىلعى 1 قاڭتاردان باستاپ – 5%، ال 2027 جىلعى 1 قاڭتاردان باستاپ – 10% كولەمىندە قولدانىلادى.
تىزبەگە ەۋرازيالىق ەكونوميكالىق وداقتىڭ سىرتقى ەكونوميكالىق قىزمەت تاۋار نومەنكلاتۋراسىنىڭ (ەاەو سەق تن) كودتارى كورسەتىلگەن 242 تاۋارلىق پوزيسيا ەنگىزىلگەن.
اتاپ ايتقاندا، تىزبە مىناداي نەگىزگى تاۋار توپتارىن قامتيدى:
ەت جانە تاعامدىق ەت ونىمدەرى مەن سۋبونىمدەر؛
باسقا جەردە اتالماعان نەمەسە ەنگىزىلمەگەن جانۋار تەكتى ونىمدەر؛
ۇن-جارما ونەركاسىبىنىڭ ونىمدەرى، ۋىت، كراحمال، ينۋلين، بيداي كلەيكوۆيناسى؛
مايلى داقىلداردىڭ تۇقىمدارى مەن جەمىستەرى، وزگە دە تۇقىمدار، داندەر، دارىلىك جانە تەحنيكالىق ماقساتتاعى وسىمدىكتەر، سابان مەن مال ازىعى؛
تابيعي تازارتىلماعان شەللاك، كامەدتەر، شايىرلار جانە وسىمدىك شىرىندارى مەن ەكستراكتتارى؛
جانۋار نەمەسە وسىمدىك تەكتى مايلار مەن ماي ونىمدەرى، دايىن تاعامدىق مايلار، بالاۋىزدار؛
قانت جانە قانتتان جاسالعان كونديتەرلىك ونىمدەر؛
كاكاو جانە كاكاو ونىمدەرى؛
ءتۇرلى تاعام ونىمدەرى؛
الكوگولدى جانە الكوگولسىز سۋسىندار، سىركە سۋى؛
تۇز، كۇكىرت، جەر مەن تاس، اك، سەمەنت جانە سىلاق ماتەريالدارى؛
بەيورگانيكالىق جانە ورگانيكالىق حيميا ونىمدەرى، ونىڭ ىشىندە باعالى جانە سيرەك جەر مەتالدارىنىڭ، راديواكتيۆتى ەلەمەنتتەر مەن يزوتوپتاردىڭ قوسىلىستارى؛
فارماسيەۆتيكالىق ونىمدەر؛
تىڭايتقىشتار؛
بوياعىش جانە يلەۋ ەكستراكتتارى، بوياۋلار، لاكتار، پوليگرافيالىق بوياۋلار، سيا مەن تۋش؛
ەفير مايلارى، پارفيۋمەريالىق، كوسمەتيكالىق جانە گيگيەنالىق قۇرالدار؛
سابىن، جۋعىش زاتتار، مايلاۋ ماتەريالدارى، جاساندى جانە دايىن بالاۋىزدار، تازالاۋ جانە جىلتىراتۋ قۇرالدارى، ستوماتولوگيالىق بالاۋىزدار مەن قۇرامدار؛
اقۋىزدى زاتتار، موديفيكاسيالانعان كراحمالدار، جەلىمدەر، فەرمەنتتەر؛
فوتو جانە كينو تاۋارلارى؛
وزگە دە حيميالىق ونىمدەر؛
پلاستماسسالار جانە ولاردان جاسالعان بۇيىمدار؛
كاۋچۋك، رەزەڭكە جانە رەزەڭكە بۇيىمدار؛
وڭدەلمەگەن تەرىلەر (تابيعي اڭ تەرىسىنەن باسقا) جانە بىلعارى؛
قاعاز، كارتون جانە ولاردان جاسالعان بۇيىمدار؛
ماقتا؛
كيىز، فەتر جانە توقىما ەمەس ماتەريالدار، جىپتەر، ءارقان-جىپ بۇيىمدارى؛
تريكوتاجدان جانە تريكوتاجسىز تىگىلگەن كيىمدەر مەن كيىمگە ارنالعان بۇيىمدار؛
وزگە دايىن توقىما بۇيىمدارى، جيىنتىقتار، پايدالانىلعان كيىمدەر مەن توقىما بۇيىمدارى؛
تاس، گيپس، سەمەنت، اسبەست، سليۋدا جانە ۇقساس ماتەريالداردان جاسالعان بۇيىمدار جانە باسقا دا تاۋارلار.
تىزبەگە بەرىلگەن ەسكەرتپەدە كورسەتىلگەندەي، اتالعان ققس مولشەرلەمەلەرى مىناداي شارتتار ورىندالعان جاعدايدا قولدانىلادى:
فارماسيەۆتيكالىق نەمەسە مەديسينالىق قىزمەتتى جۇزەگە اسىرۋعا ليسەنزيانىڭ بولۋى نەمەسە مەديسينالىق بۇيىمداردى كوتەرمە ساۋدادا وتكىزۋگە قاتىستى قىزمەتتىڭ باستالعانى نە توقتاتىلعانى تۋرالى حابارلامانى قابىلداۋ جونىندەگى تالوننىڭ بولۋى؛
دارىلىك زاتتاردىڭ قازاقستان رەسپۋبليكاسىنىڭ اۋماعىندا تىركەلۋى؛
تىركەلمەگەن دارىلىك زاتتاردى يمپورتتاۋ كەزىندە ءتيىستى رۇقسات قۇجاتىنىڭ بولۋى؛
تاۋارلاردىڭ ماقساتتى پايدالانىلۋىن راستايتىن قۇجاتتاردىڭ بولۋى.
اتالعان قاۋلى 2026 جىلعى 1 قاڭتاردان باستاپ قولدانىسقا ەنگىزىلەدى.