ءار ايماقتىڭ ءوز ەرەجەلەرى بار.
ونى الۋ ءۇشىن نە ىستەۋ كەرەك،الماتى قالاسىنداعى جولدامالاردى ءبولۋ مەحانيزمى قانداي؟
دەنساۋلىق ساقتاۋ مينيسترلىگىنىڭ اقپاراتى بويىنشا، شيپاجايعا تەگىن جانە جەڭىلدىكپەن جولدامالاردى قازاقستان ازاماتتارىنا جەرگىلىكتى اتقارۋشى ورگاندار، ياعني اكىمدىكتەر بەرەدى.
شيپاجايعا تەگىن جولداما الۋ جايلى اقپارات الماتى قالاسىندا الەۋمەتتىك كومەك كورسەتۋدىڭ، ونىڭ مولشەرلەرىن بەلگىلەۋدىڭ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋدىڭ قاعيدالارىن بەكىتۋ تۋرالى VIII سايلانعان الماتى قالاسى ءماسليحاتىنىڭ كەزەكتەن تىس XII سەسسياسىنىڭ 2023 جىلعى 8 جەلتوقسانداعى № 73 شەشىمىندە ۇسىنىلعان.
تەگىن جانە جەڭىلدەتىلگەن جولدامالاردى كىمدەر الا الادى؟
مىنا ساناتتاعى ادامدارعا شيپاجايلىق-كۋرورتتىق ەمدەلۋگە الەۋمەتتىك كومەك كورسەتىلەدى:
قازاقستان رەسپۋبليكاسىنىڭ "ارداگەرلەر تۋرالى" زاڭىنىڭ 4-بابىنا سايكەس مارتەبەسى بەلگىلەنگەن ۇلى وتان سوعىسىنىڭ ارداگەرلەرى – جان باسىنا شاققانداعى ورتاشا تابىستى ەسەپكە الماي، تەگىن؛
مارتەبەسى قازاقستان رەسپۋبليكاسىنىڭ "ارداگەرلەر تۋرالى" زاڭىنىڭ 7-بابىمەن بەلگىلەنگەن ەڭبەك ارداگەرلەرى – جان باسىنا شاققانداعى ورتاشا تابىستى ەسەپكە الماي، مەملەكەتتىك بازالىق زەينەتاقى تولەمىنىڭ ەسەبىنسىز الاتىن زەينەتاقىسىنىڭ 25% مولشەرىندە تولەي وتىرىپ؛
ۇلى وتان سوعىسىندا قازا تاپقان (قايتىس بولعان، حابار-وشارسىز كەتكەن) جاۋىنگەرلەردىڭ قايتا نەكەگە تۇرماعان جەسىرلەرى – جان باسىنا شاققانداعى ورتاشا تابىستى ەسەپكە الماي مەملەكەتتىك بازالىق زەينەتاقى تولەمىنىڭ ەسەبىنسىز الاتىن زەينەتاقىسىنىڭ 25% مولشەرىندە تولەي وتىرىپ؛
ۇلى وتان سوعىسىنىڭ قايتىس بولعان مۇگەدەكتىگى بار نەمەسە جەڭىلدىكتەر بويىنشا ۇلى وتان سوعىسىنىڭ مۇگەدەكتىگى بارعا تەڭەستiرiلگەن ادامنىڭ قايتا نەكەگە تۇرماعان جۇبايى (زايىبى)، سونداي-اق جالپى اۋرۋعا شالدىعۋ، جۇمىستا مەرتىگۋ جانە باسقا دا سەبەپتەر (قۇقىققا قايشى كەلەتiندەردi قوسپاعاندا) سالدارىنان مۇگەدەك دەپ تانىلعان، ۇلى وتان سوعىسىنىڭ قايتىس بولعان قاتىسۋشىسىنىڭ، پارتيزاننىڭ، استىرتىن ارەكەت ەتۋشiءنىڭ، "لەنينگرادتى قورعاعانى ءۇشiن" مەدالiمەن نەمەسە "قورشاۋداعى لەنينگراد تۇرعىنى" بەلگiسiمەن ناگرادتالعان ازاماتتىڭ قايتا نەكەگە تۇرماعان جۇبايى (زايىبى) – جان باسىنا شاققانداعى ورتاشا تابىستى ەسەپكە الماي مەملەكەتتىك بازالىق زەينەتاقى تولەمىنىڭ ەسەبىنسىز الاتىن زەينەتاقىسىنىڭ 25% مولشەرىندە تولەي وتىرىپ؛
ەكiنشi دۇنيەجۇزiلiك سوعىس كەزەڭiندە فاشيستەر مەن ولاردىڭ وداقتاستارى قۇرعان كونسلاگەرلەردىڭ، گەتتولاردىڭ جانە باسقا دا ەرىكسىز ۇستاۋ ورىندارىندىڭ كامەلەتكە تولماعان تۇتقىندارىنا – جان باسىنا شاققانداعى ورتاشا تابىستى ەسەپكە الماي مەملەكەتتىك بازالىق زەينەتاقى تولەمىنىڭ ەسەبىنسىز الاتىن زەينەتاقىسىنىڭ 25% مولشەرىندە تولەي وتىرىپ؛
لەنينگراد قالاسىنداعى قورشاۋ كەزەڭىندە قالانىڭ كاسiپورىندارىندا، مەكەمەلەرi مەن ۇيىمدارىندا جۇمىس iستەگەن جانە "لەنينگرادتى قورعاعانى ءۇشiن" مەدالiمەن نەمەسە "قورشاۋداعى لەنينگراد تۇرعىنى" بەلگiسiمەن ناگرادتالعان ازاماتتارعا – جان باسىنا شاققانداعى ورتاشا تابىستى ەسەپكە الماي مەملەكەتتىك بازالىق زەينەتاقى تولەمىنىڭ ەسەبىنسىز الاتىن زەينەتاقىسىنىڭ 25% مولشەرىندە تولەي وتىرىپ؛
قازاقستان رەسپۋبليكاسىنىڭ الەۋمەتتىك كودەكسىنىڭ 207 بابىنىڭ 1-تارماعىنا سايكەس زەينەت جاسىنا تولعان باسقا مەملەكەتتەردiڭ اۋماعىنداعى جاۋىنگەرلىك قيمىلدارىنىڭ ارداگەرلەرى – جان باسىنا شاققانداعى ورتاشا تابىستى ەسەپكە الماي مەملەكەتتىك بازالىق زەينەتاقى تولەمىنىڭ ەسەبىنسىز الاتىن زەينەتاقىسىنىڭ 25% مولشەرىندە تولەي وتىرىپ؛
قازاقستان رەسپۋبليكاسىنىڭ الەۋمەتتىك كودەكسىنىڭ 207 بابىنىڭ 1-تارماعىنا سايكەس زەينەت جاسىنا تولماعان باسقا مەملەكەتتەردiڭ اۋماعىنداعى جاۋىنگەرلىك قيمىلدارىنىڭ ارداگەرلەرى ءۇشىن – جان باسىنا شاققانداعى ورتاشا تابىسى ەڭ تومەنگى كۇنكورىس دەڭگەيىنىڭ ءۇش ەسەلەنگەن مولشەرىنەن اسپايتىنىن ەسكەرە وتىرىپ، ساناتوريي-كۋرورتتىق ەمدەلۋگە بەرىلەتىن جولداما قۇنىنىڭ 25% مولشەرىندە تولەي وتىرىپ، ءبىراق ەكى جىلدا ءبىر رەتتەن ارتىق ەمەس؛
قازاقستان رەسپۋبليكاسىنىڭ "جاپپاي ساياسي قۋعىن-سۇرگىندەر قۇرباندارىن اقتاۋ تۋرالى" زاڭىندا بەلگىلەنگەن تارتىپكە سايكەس قازاقستانداعى 1986 جىلعى 17-18 جەلتوقسان وقيعاسىنا قاتىسىپ، اقتالعان، قازاقستان رەسپۋبليكاسىنىڭ الەۋمەتتىك كودەكسىنىڭ 207 بابىنىڭ 1-تارماعىنا سايكەس زەينەتكەرلىك جاسقا تولماعاندارعا – ساناتوريي-كۋرورتتىق ەمدەلۋگە بەرىلەتىن جولداما قۇنىنىڭ 25% مولشەرىندە تولەي وتىرىپ، جان باسىنا شاققانداعى ورتاشا تابىسى ءۇش ەسەلەنگەن كۇنكورىس دەڭگەيىنەن اسپايتىن شامانى ەسكەرە وتىرىپ، ءبىراق ەكى جىلدا ءبىر رەتتەن ارتىق ەمەس؛
جاسىنا بايلانىستى زەينەتكە شىققان زەينەتكەرلەرگە – ەڭ تومەنگى كۇنكورىس دەڭگەيىنىڭ ءۇش ەسە مولشەرىنەن اسپايتىن جان باسىنا شاققانداعى ورتاشا تابىسى ەسەپكە الىنا وتىرىپ، مەملەكەتتىك بازالىق زەينەتاقى تولەمىنىڭ ەسەبىنسىز الاتىن زەينەتاقىسىنىڭ 25% مولشەرىندە تولەي وتىرىپ؛
ءبىرىنشى توپتاعى مۇگەدەكتىگى بار ادامداردى الىپ جۇرەتىن ادامدارعا ولاردىڭ ساناتوريي – كۋرورتتىق ەمدەلۋدى ۇسىناتىن ۇيىمدا بولعان كەزەڭىندە، ءبىراق ءبىر ىلەسىپ جۇرەتىن ادامنان اسپايتىن مەرزىمگە-ەمدەۋ راسىمدەرىن قوسپاعاندا، تۇرۋ جانە تاماقتانۋ ءۇشىن اقى تولەنەتىن جان باسىنا شاققانداعى ورتاشا تابىسىن ەسەپكە الماعاندا قازاقستان رەسپۋبليكاسىنىڭ شەگىندە ساناتوريي-كۋرورتتىق ەمدەلگەنى ءۇشىن شىعىنداردى وتەۋ؛
ءبىرىنشى توپتاعى مۇگەدەكتىگى بار ادامدار.
شيپاجايلىق-كۋرورتتىق ەمدەلۋگە الەۋمەتتىك كومەك زاتتاي نىساندا (قازاقستان رەسپۋبليكاسىنىڭ مەملەكەتتىك ساتىپ الۋ زاڭناماسىنا سايكەس انىقتالعان ساناتوريي-كۋرورتتىق مەكەمەلەرگە جولداما) نەمەسە اقشالاي تۇردە (قازاقستان رەسپۋبليكاسىنىڭ اۋماعىندا ساناتوريي-كۋرورتتىق ەمدەلۋ ءۇشىن كەتكەن شىعىندى ءتيىستى قارجى جىلىنا بيۋدجەتتىك ەسەپتى جاساۋ بارىسىندا بەكىتىلگەن جولدامانىڭ قۇنى مولشەرىندە وتەۋ) كورسەتىلەدى.
قايدا بارۋ كەرەك؟
شيپاجايعا جولدامالاردى راسىمدەۋ ءۇشىن الماتى اۋداندارىنىڭ اكىمدىكتەرىنە جۇگىنۋ قاجەت. ولاردى الەۋمەتتىك كومەك كورسەتۋ جونىندەگى ۋاكىلەتتى ورگاندار ايقىندادى.
قانداي قۇجاتتار كەرەك؟
زاتتاي نىسانداعى ساناتوريي-كۋرورتتىق ەمدەلۋگە الەۋمەتتىك كومەكتى الۋ ءۇشىن ءوتىنىش بەرۋشى الەۋمەتتىك كومەك كورسەتۋ جونىندەگى ۋاكىلەتتى ورگانعا وتىنىشكە قوسا مىناداي قۇجاتتاردى:
جەكە باسىن كۋالاندىراتىن قۇجات؛
№ 068/ۋ نىسانىنداعى انىقتاما؛
ۇلى وتان سوعىسىنىڭ ارداگەرلەرى قازاقستان رەسپۋبليكاسىنىڭ "ارداگەرلەر تۋرالى" زاڭىنىڭ 9-بابىمەن كورسەتىلگەن قۇجاتتى؛
1986 جىلعى 17-18 جەلتوقسان وقيعاسىنا قاتىسقاندار قازاقستان رەسپۋبليكاسىنىڭ "جاپپاي ساياسي قۋعىن-سۇرگىن قۇرباندارىن وڭالتۋ تۋرالى" زاڭىنا سايكەس وڭالتۋ تۋرالى كۋالىك؛
جولدامانى الۋ زەينەتاقى مولشەرىنە بايلانىستى بولاتىن ادامدار زەينەتاقى مولشەرى تۋرالى قۇجات؛
زەينەتكەرلىك جاسقا تولماعان باسقا مەملەكەتتەر اۋماعىنداعى جاۋىنگەرلىك ارەكەتتەرگە قاتىسقان ارداگەرلەر، 1986 جىلعى 17-18 جەلتوقسانداعى قازاقستانداعى وقيعالارعا قاتىسقان جانە زەينەتكەرلىك جاسقا تولماعان ادامدار، سونداي-اق زەينەتكەر جاسىنا جەتپەگەن ادامنىڭ جانە/نەمەسە ونىڭ وتباسى مۇشەلەرىنىڭ تابىستارى تۋرالى مالىمەتتەر؛
مۇگەدەكتىگى بار ادامنىڭ الەۋمەتتىك كومەك كورسەتۋ جونىندەگى ۋاكىلەتتى ورگانعا بەرگەن ساناتوريي-كۋرورتتىق ۇيىمنىڭ جولداماسىنىڭ كوشىرمەسى، تولەمدى راستايتىن قۇجات، ساناتوريي-كۋرورتتىق ۇيىمنىڭ ورىندالعان جۇمىستارىنىڭ اكتىسى.
سالىستىرىپ تەكسەرۋ ءۇشىن قۇجاتتار ءتۇپنۇسقادا جانە كوشىرمەلەردە ۇسىنىلادى. سالىستىرعاننان كەيىن قۇجاتتاردىڭ ءتۇپنۇسقالارى ءوتىنىش بەرۋشىگە قايتارىلادى.
ەگەر ادام شيپاجايعا بارا الماسا...
ەگەر ادام جولداما السا، ءبىراق دالەلدى سەبەپتەرمەن بارا الماسا، ول جولدامانى اكىمدىككە قايتارۋى كەرەك. سودان كەيىن ولار ونى باسقا ادامعا بەرە الادى.
ەگەر ورىن بوس بولسا، جولدامانى باسقا ۋاقىتقا اۋىستىرۋعا بولادى. ءبىراق ونى ءسىز ايىرباستاۋعا جاتاتىن جولدامادا كورسەتىلگەن شيپاجايعا كىرۋ كۇنىنەن كەمىندە ءۇش كۇن بۇرىن جاساۋىڭىز كەرەك.
ەگەر جولدامانى ءوز بەتىنشە تولەپ قويدىڭىز، الايدا وتەماقى العىڭىز كەلسە...
شيپاجايلىق-كۋرورتتىق ەمدەلۋگە اقشالاي تۇردە الەۋمەتتىك كومەك الۋ ءۇشىن اۋدان اكىمدىگىنە جۇگىنۋ قاجەت. ونى 60 كۇنتىزبەلىك كۇن ىشىندە، ءبىراق شيپاجايعا كىرۋ كۇنىنە دەيىن 10 كۇنتىزبەلىك كۇننەن كەشىكتىرمەي جاساۋ كەرەك.
جولداما الۋ قۇقىعىڭىزدى راستايتىن قۇجاتتاردى (ولار جوعارىدا كورسەتىلگەن) ءتۇپنۇسقالار مەن كوشىرمەلەردە ۇسىنۋ قاجەت. ءتۇپنۇسقالار كوشىرمەلەرمەن سالىستىرىلادى جانە بىردەن ءوتىنىش بەرۋشىگە قايتارىلادى.
سودان كەيىن اكىمدىكتە ءوتىنىش بىلدىرگەن ادامعا وتەماقى تولەۋ تۋرالى شەشىم قابىلدانادى.
ەگەر شەشىم وڭ بولسا، وندا ەمدەلۋدەن وتكەننەن كەيىن 30 كۇن ىشىندە اكىمدىككە شوت-فاكتۋرانى، فيسكالدىق چەكتى، ورىندالعان جۇمىستار اكتىسىن جانە ءوزىنىڭ بانكتىك شوتىنىڭ ءنومىرىن ۇسىنۋ قاجەت بولادى.
اقشا وسى قۇجاتتاردى تاپسىرعاننان كەيىن 30 كۇن ىشىندە تۇسەدى.
جولدامانى نە ءۇشىن بەرمەۋى مۇمكىن؟
شيپاجايلىق-كۋرورتتىق ەمدەلۋگە الەۋمەتتىك كومەك كورسەتۋدەن باس تارتۋى مۇمكىن، ەگەر:
ءوتىنىش بەرۋشى دۇرىس ەمەس مالىمەتتەردى ۇسىندى؛
ءوتىنىش بەرۋشى ونىڭ ماتەريالدىق جاعدايىنا جانە/نەمەسە وتباسىنىڭ ماتەريالدىق
جاعدايىنا تەكسەرۋ جۇرگىزۋدەن باس تارتتى؛
وتباسىنىڭ جان باسىنا شاققانداعى ورتاشا تابىسىنىڭ مولشەرى شيپاجايلىق-كۋرورتتىق ەمدەلۋگە الەۋمەتتىك كومەك كورسەتۋ ءۇشىن بەلگىلەنگەن شەكتەن اسىپ كەتتى.
مەملەكەتتىك جولدامالار ارقىلى شيپاجايعا قانشالىقتى ءجيى بارۋعا بولادى؟
مەملەكەتتىك بيۋدجەت ەسەبىنەن شيپاجايلىق-كۋرورتتىق ەمدەۋ جىلىنا ءبىر رەتتەن كوپ ەمەس جانە 12 كۇنتىزبەلىك كۇننەن اسپايتىن مەرزىمگە بەرىلەدى.