بەلدەسكەن بەس دزيۋدوشىنىڭ جولى بولمادى

ابۋ-دابيدە ءوتىپ جاتقان الەم چەمپيوناتىنىڭ ەكىنشى جارىس كۇنىندە بەلدەسكەن قازاقستاندىق 5 دزيۋدوشىنىڭ بارلىعى جارىستى ءبىرىنشى اينالىمنان اياقتادى.

66 كەلىدە جانارىس راحمەتقالي العاشقى اينالىمدا فرانسۋز دزيۋدوشىسىنا جول بەردى. قاتارىنان ءۇش شيدو العان وتانداسىمىز وسىلاي جارىستى اياقتادى. ايتا كەتەتىن جايت، اتالعان دزيۋدوشى تاياۋدا وتكەن ازيا چەمپيوناتىندا قولا جۇلدەگەر اتانعان بولاتىن، دەپ حابارلايدى اlmaty-akshamy.kz. 

73 كەلىدە باقىتجان ءابدىراحمانوۆ تا جارىستى العاشقى اينالىمنان اياقتادى. ول نەمىس دزيۋدوشىسىنا ۆازاريمەن ەسە جىبەردى. وسىلايشا ول جارىستى جۇلدەسىز اياقتادى. باقىتجان وتكەن اپتادا استانادا اياقتالعان گراند سلەم تۋرنيرىندە ءۇشىنشى ورىنعا يە بولعان ەدى.

وسى سالماقتاعى باستى ءۇمىتىمىز دانيار شامشايەۆ ءبىرىنشى بەلدەسۋىندە مولدوۆا بالۋانىنان يپپونمەن ۇتىلىپ، ەلگە قايتاتىن بولدى.

بۇعان دەيىن قارسىلاسىنا ءقاۋىپتى ءادىس قولدانعان عۇسمان قىرعىزبايەۆ جارىستى اياقتاسا، 57 كەلىدە باقىت قۇساقبايەۆا ءبىرىنشى اينالىمدا جەڭىلگەن ەدى.

قازاقستان بالۋاندارى جارىستىڭ العاشقى كۇنىن قولا مەدالعا يە بولدى. بۇل جۇلدە 48 كەلىدە بەلدەسكەن ابيبا ءابۋجاقىنوۆاعا تيەسىلى. سونداي-اق، ەلدوس سمەتوۆ بەسىنشى ورىنعا تۇراقتادى.