بۇگىن، 10 شىلدەدە رەسەيدىڭ ماگادان وبلىسىندا 37 گرادۋس ىستىقتان كەيىن قار جاۋدى.
بۇعان دەيىن سينوپتيكتەر وبلىستا نوسەر جاڭبىر جاۋىپ، جولداردى سۋ شايىپ كەتۋى مۇمكىن ەكەنىن ەسكەرتكەن ەدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
ايتا كەتسەك، جاز مەزگىلىندە بۇل ايماقتا جىل سايىن قار جاۋادى. رەسەيدىڭ ماگادان وبلىسى بويىنشا گيدرومەتەورولوگيالىق ورتالىعى بۇنى راستاپ وتىر.
«شىنىمەن ماگادان وبلىسىنىڭ ورتالىق اۋداندارىندا جىل سايىن دەرلىك جازدا، سونىڭ ىشىندە شىلدەدە قار جاۋادى. بيىل ايماقتا 37 گرادۋستان جوعارى اپتاپ ىستىق بولدى. ءقازىر اۋا تەمپەراتۋراسى نولدىك ماندەرگە دەيىن تومەندەدى»، - دەدى ماماندار.