قازاقستاننىڭ وڭتۇستىگىندە +40+46°س-قا دەيىن وتە قاتتى ىستىق بولادى، دەپ حابارلايدى aqshamnews.kz
مەتەورولوگتاردىڭ مالىمەتىنشە، شىلدەدە قازاقستاننىڭ باسىم بولىگىندە اۋا رايى تۇراقسىز بولادى، جاۋىن-شاشىن، جەكەلەگەن كۇندەرى نوسەر جاۋىن، نايزاعاي، بۇرشاق جانە داۋىل كۇتىلەدى.
رەسپۋبليكانىڭ وڭتۇستىك جارتىسىندا قاتتى ىستىق جانە وتە قاتتى ىستىق بولادى، شاڭدى داۋىل تۇرۋى ىقتيمال.
ءبىرىنشى ونكۇندىكتىڭ ءبىرىنشى جارتىسىندا تۇراقتى سيكلوننىڭ اسەرىنەن ەلدىڭ باتىسىندا (باتىس قازاقستان وبلىسى) تەمپەراتۋرالىق فون كۇندىز +18+26°س ارالىعىندا ساقتالادى، ونكۇندىكتىڭ سوڭىنا قاراي +28+33°س-قا دەيىن جوعارىلايدى.
اتىراۋ جانە ماڭعىستاۋ وبلىستارىندا اۋا تەمپەراتۋراسىنىڭ كۇندىز +25+33°س-تان +30+38°س-قا دەيىن بىرتىندەپ جوعارىلۋى بولجانادى.
سولتۇستىك جانە ورتالىق وڭىرلەردە ونكۇندىكتىڭ باسىندا اۋا تەمپەراتۋراسى كۇندىز +25+35°س-قا دەيىن جوعارىلايدى، كەيىن +18+23°س-قا دەيىن تومەندەيدى، قازاقستاننىڭ شىعىسىندا ەڭ ىستىق كەزەڭ ونكۇندىكتىڭ ورتاسىندا بولجانادى، اۋا تەمپەراتۋراسى كۇندىز +30+38°س-قا دەيىن جوعارىلايدى.
1-5 شىلدە ارالىعىندا قازاقستاننىڭ وڭتۇستىگىندە، وڭتۇستىك-شىعىسىندا تۇندە +15+22°س-تان +25+30°س-قا دەيىن، كۇندىز +30+39°س-تان +40+46°س-قا دەيىن وتە قاتتى ىستىق كۇتىلەدى. تەمپەراتۋرانىڭ جوعارىلاۋىنا بايلانىستى بۇل ايماقتاردا توتەنشە ءورت ءقاۋپى ساقتالادى.
شىلدەنىڭ ەكىنشى جانە ءۇشىنشى ونكۇندىگىندە ەلدىڭ باتىسىندا، وڭتۇستىگىندە، وڭتۇستىك-شىعىسىندا، ورتالىعىندا ەڭ ىستىق كۇندەردە اۋا تەمپەراتۋراسى +33+42°س-قا دەيىن، قازاقستاننىڭ قيىر وڭتۇستىگىندە +46°س-قا دەيىن جوعارىلايدى، سالقىن كۇندەرى +23+28°س-قا دەيىن تومەندەيدى.
ەلدىڭ سولتۇستىك جارتىسى مەن شىعىسىندا اۋا تەمپەراتۋراسىنىڭ تۇندە +15+23°س-تان +7+12°س-قا دەيىن، كۇندىز +32+39°س-تان +18+23°س-قا دەيىن اۋىتقۋى كۇتىلەدى.