شىلدەدەن باستاپ گازدىڭ باعاسى قىمباتتايدى

گاز باعاسى استانادا – 27 052 تەڭگە، الماتىدا – 25 103 تەڭگە بولىپ بەكىتىلدى.

بۇيرىق 2023 جىلعى 8 ماۋسىمنان باستاپ قولدانىسقا ەنگىزىلەدى، دەپ حابارلايدى Almaty-akshamy.kz

ق ر ەنەرگەتيكا مينيسترلىگى 2023 جىلعى 6 ماۋسىمداعى بۇيرىعىمەن قازاقستان رەسپۋبليكاسىنىڭ ىشكى نارىعىندا تاۋارلىق گازدى كوتەرمە ساۋدادا وتكىزۋدىڭ شەكتى باعالارىن بەكىتتى.

"1 شىلدەدەن باستاپ 2024 جىلعى 30 ماۋسىمدى قوسا العاندا، گازدىڭ 1 مىڭ تەكشە مەترى ءۇشىن شەكتى باعاسى تەڭگەمەن استانادا – 27 052 تەڭگە، الماتىدا – 25 103 تەڭگە، شىمكەنتتە – 26 197 تەڭگە بولىپ بەكىتىلدى. ال 2027 جىلعى 1 شىلدەدەن باستاپ 2028 جىلعى 30 ماۋسىمدى قوسا العاندا  گازدىڭ 1 مىڭ تەكشە مەترى ءۇشىن شەكتى باعاسى تەڭگەمەن استانادا – 36 135 تەڭگە، الماتىدا – 42 759 تەڭگە، شىمكەنتتە – 41 158 تەڭگە بولىپ بەكىتىلدى"، دەلىنگەن قۇجاتتا.

سونداي-اق قازاقستان رەسپۋبليكاسىنىڭ ىشكى نارىعىندا سىعىمدالعان جانە  سۇيىتىلعان تابيعي گاز ءوندىرۋ ءۇشىن تاۋارلىق گازدى ساتىپ الاتىن ونەركاسىپتىك تۇتىنۋشى-ينۆەستورلارعا تاۋارلىق گازدى كوتەرمە ساۋدادا وتكىزۋدىڭ شەكتى باعالارى بەكىتىلگەن.