شىلدە ايىندا الماتىدا تبي تومەندەگەنى بايقالدى

قالا باسشىلارى بۇل كورسەتكىشكە جەدەل جانە ستراتەگيالىق شارالار ارقىلى قول جەتكىزگەن.

الماتى اكىمى باقىتجان ساعىنتايەۆ «الماتى» تەلەارناسىنىڭ تىكەلەي ەفير ارقىلى جۇرەتىن اkimat LIVE باعدارلاماسى بارىسىندا ازىق-تۇلىك باعاسىن ءبىر قالىپتى ۇستاۋ ءۇشىن قابىلدانىپ جاتقان شارالار جايىندا ايتىپ بەردى،دەپ حابارلايدى Almaty-akshamy.kz.

قالا اكىمىنىڭ ايتۋىنشا، ساۋدا جەلىلەرى مەن وندىرۋشىلەرگە 8 ملرد تەڭگە شاماسىندا جەڭىلدەتىلگەن نەسيە  بەرىلدى.  وسىنىڭ ارقاسىندا ۇن، كۇرىش، قاراقۇمىق جارماسى، ماكارون ونىمدەرى، قانت، كۇنباعىس جانە سارى ماي، ايران، ءسۇت، سۇزبە، تاۋىق ەتى جانە سيىر ەتى  وسى جىلدىڭ سوڭىنا دەيىن بەلگىلەنگەن باعامەن ساتىلادى.

«2021 جىلعى 24 ماۋسىمدا الماتى قالاسى مەن الماتى وبلىسىنىڭ ءوڭىرارالىق كووپەراسياسى شەڭبەرىندە ءوزارا ىنتىماقتاستىق تۋرالى مەموراندۋمعا قول قويىلدى. ساپار قورىتىندىسى بويىنشا الماتى وبلىسىنا JLC ءسۇت جشس-مەن (ءسۇت، سۇزبە) كولەمى 1000 توننا ماگنۋم جانە Naz-Dana شق (پياز) ساۋدا جەلىلەرىنە Small جانە Toimart ساۋدا جەلىلەرىنە جەتكىزۋ بويىنشا شارتتار جاسالدى. سونداي-اق، «الاتاۋ قۇس» (تاۋىق ەتى) كومپانياسىنان 820 تگ/كگ-نان 1200 توننا ءونىم جەتكىزۋ ءۇشىن 1 جىلعا 1 ملرد. تەڭگە سوماسىنا «اينالىم» قارىزىن بەرۋ ماسەلەسى قارالىپ جاتىر»،  – دەدى اكىم.

باقىتجان ساعىنتايەۆتىڭ اتۋىنشا، قوسىمشا 5 مىڭ توننا قانت جەتكىزۋ ءۇشىن ءىرى قانت ءوندىرۋشى – «مەركى قانت زاۋىتىنا» «اينالىم» زاەمىن بەرۋ پىسىقتالىپ جاتىر.