مەملەكەت باسشىسى قاسىم-جومارت توقايەۆ «QAZAQSTAN» تەلەارناسىنا بەرگەن سۇحباتىندا شەتەلگە زاڭسىز شىعارىلعان قاراجاتتى قازاقستانعا قايتارۋ جۇمىستارى تۋرالى ايتىپ بەردى، دەپ حابارلايدى اlmaty-akshamy.kz
«ءسىز ۇكىمەتتىڭ وتىرىسىندا شەتەلگە زاڭسىز شىعارىلعان قاراجاتتى وتانىمىزعا قايتا اكەلۋ كەرەك دەپ تاپسىرما بەردىڭىز. بۇل تاپسىرما قاشان ورىندالادى؟ سونىڭ مەرزىمدەرى تۋرالى ايتا الاسىز با؟»، - دەپ سۇراق قويدى جۋرناليست جاينا سلامبەك.
«مەن ۇكىمەتكە ءتيىستى تاپسىرما بەردىم. بۇل ماسەلە بويىنشا ۇكىمەت ەكى ايدان كەيىن ماعان ناقتى ۇسىنىستارىن ايتادى. سودان كەيىن جۇمىس باستالادى. اتالعان ماسەلە بويىنشا اۋقىمدى ساراپتاما جاساۋ كەرەك. ونسىز بولمايدى. سودان كەيىن شەتەلدەگى ءتيىستى مەكەمەلەرمەن كەلىسسوزدەر جۇرگىزۋگە كىرىسەمىز. بۇل وتە كۇردەلى ءارى ۇزاق ۋاقىتقا سوزىلاتىن جۇمىس بولاتىن سياقتى. ونى اشىق ايتقان ءجون. ءبىراق ادىلدىككە جەتۋ ءۇشىن وسى جۇمىستى باستاۋ كەرەك. شەتەلگە زاڭسىز شىعارىلعان قاراجاتتى ەلگە قايتارۋعا ءتيىسپىز»، - دەدى قاسىم-جومارت توقايەۆ.