قولدانبانى موبيلدىك App Store جانە GooglePlay پلاتفورماسىنان جۇكتەپ الۋعا بولادى.
ادىلەت مينيسترلىگى رەسپۋبليكالىق جسو پالاتاسىمەن بىرلەسىپ اتقارۋشىلىق ءىس جۇرگىزۋ ورگاندارىنىڭ اۆتوماتتاندىرىلعان اقپاراتتىق جۇيەسى ءموبيلدى قوسىمشاسىن ازىرلەدى، دەپ حابارلايدى Almaty-akshamy.kz
ءاىجو ااج ەل ازاماتتارىنا اتقارۋشىلىق ءىس جۇرگىزۋ سالاسىنداعى سەنىمدى اقپاراتقا ىڭعايلى ءارى قولجەتىمدى. جوبا مەملەكەتتىك ورگانداردىڭ جۇيەلەرىمەن بىرىكتىرىلگەن.
پايدالانۋشىلار ءۇشىن مىناداي قىزمەتتەر قولجەتىمدى:
ءبىرىڭعاي تىزىلىمىنەن بورىشكەرلەر تۋرالى اقپاراتتى ىزدەۋ جانە قارىزدارىن تولەۋ.
ەلدەن شىعۋعا ۋاقىتشا تيىم سالۋ مەن شەكتەۋلەرىن تەكسەرۋ.
ونلاين رەجيمىندە 30 مينۋت ىشىندە قارىزدى تولىق وتەگەن كەزدە شەكتەۋ شارالارى جويىلادى (ەلدەن شىعۋعا، تىركەۋ ارەكەتتەرىنە تىيىم سالۋ، نوتارياتتىق ىس-ارەكەتتەر، مەملەكەتتىك ساتىپ الۋعا قاتىسۋ جانە ت.ب)
اتقارۋ قۇجاتىن ىزدەستىرۋ، ونىڭ جاعدايى مەن ورنالاسقان جەرىن قاداعالاۋ.
QR كودىن سكانەرلەۋ ارقىلى ءموبيلدى قۇرىلعىدا سوت ورىنداۋشىسىنىڭ شەشىمىن الۋ.
"اتالعان ءموبيلدى قوسىمشا ازاماتتاردىڭ اتقارۋشى ورگاندارمەن ءوزارا ءىس-قيمىلىن ايتارلىقتاي جەڭىلدەتىپ، ناقتى جانە وزەكتى اقپاراتقا قولجەتىمدىلىكتى قامتاماسىز ەتەدى. مەملەكەت باسشىسى قازاقستان حالقىنا جولداۋىندا قازاقستاندى IT-ەلگە اينالدىرۋ مىندەتىن قويعان ەدى. وسى تاپسىرمانى ورىنداۋ ماقساتىندا Digital Justice جوباسىنىڭ پورتفەلىنىڭ شەڭبەرىندە ءاىجو ااج ءموبيلدى قوسىمشاسى ازىرلەندى جانە وعان ەشقانداي بيۋدجەت قاراجاتى جۇمسالعان جوق"، دەدى ادىلەت مينيسترلىگىندەگىلەر.