قازاقستاندا شەتەلگە شىعارىلعان كاپيتالدى قايتارۋ بويىنشا 5 جۇمىس توبى قۇرىلدى. ءقازىر ونىڭ مۇشەلەرى قاراجاتتىڭ كولەمى مەن قاي ەلدەرگە جىبەرىلگەنىن انىقتاپ جاتىر، دەپ حابارلايدى اlmaty-akshamy.kz.
باس پروكۋراتۋرانىڭ ارنايى كوميسسياسى شەتەلدىكتەرمەن جاسالعان كەلىسىمشارتتاردى زەرتتەپ، قارجىنى زاڭسىز جولمەن شىعارعان ازاماتتاردى ىزدەستىرەدى. اقشا اۋدارىلعان مەملەكەت وكىلدەرىمەن كەلىسسوزدەر جۇرگىزىلەدى. كەلەشەكتە مۇنداي جاعدايلارعا جول بەرمەۋ ءۇشىن ۆاليۋتالىق باقىلاۋدى مەملەكەتتىك كىرىستەر كوميتەتىنە جۇكتەۋ ۇسىنىلدى.
ەرۇلان جاماۋبايەۆتىڭ ايتۋىنشا، كاسىپكەرلەردى كاپيتالدى قايتارۋعا ىنتالاندىرۋ ماقساتىندا ءبىرقاتار شارا قولعا الىنباق.
- ءار كاپيتالدىڭ ءوزىنىڭ شىعۋ تەگى بار. ءاربىر كاپيتالدىڭ كونتراكتى بار. زاڭدى، زاڭسىز جولمەن شىققانى بار. ارنايى پرەمەر-مينيستردىڭ باسشىلىعىمەن كوميسسيا جۇمىس ىستەپ وتىر. 5 باعىتتا جۇمىس ىستەپ جاتىرمىز. ماقساتىمىز - سىرتقا شىققان قاراجاتتى قايتارۋ جانە شىعۋعا جول بەرمەۋ. نەگىزىنەن ءبىز بيزنەسكە، ينۆەستورلارعا دۇرىس زاڭدى جاعداي جاساۋىمىز كەرەك. زاڭسىز شىققان كاپيتالدى قايتارامىز. زاڭدى شىققان كاپيتال بولسا، ىشكە كەلۋگە مۇمكىندىك جاساۋىمىز كەرەكپىز. ول كاپيتال ەكونوميكامىزعا جۇمىس ىستەۋى ءۇشىن جاعداي جاساۋىمىز كەرەك، - دەيدى ق ر قارجى ءمينيسترى ەرۇلان جاماۋبايەۆ