الماتى قالاسىنىڭ تۇرعىندارى جانە قوناقتارىنىڭ نازارىنا!
سىزدەرگە قازاقستان رەسپۋبليكاسىنىڭ كوشى-قون زاڭناماسىنىڭ تالاپتارىن قاتاڭ ساقتاۋدى ەسكە سالامىز.
"كوشىپ كەلۋشىلەردىڭ قازاقستان رەسپۋبليكاسىنا كەلۋى مەن وندا بولۋى قاعيدالارىنىڭ" 9-تارماعىنا سايكەس شەتەلدىك ازاماتتاردى قابىلدايتىن جەكە جانە زاڭدى تۇلعالار وزدەرىنە كەلەتىن كوشىپ كەلۋشىلەر تۋرالى ىشكى ىستەر ورگاندارىن حاباردار ەتۋگە مىندەتتى ەكەنىن تۇسىندىرەمىز.
اتالعان حابارلاما شەتەلدىك ازامات كەلگەن كۇننەن باستاپ ءۇش جۇمىس كۇنى ىشىندە مىندەتتى تۇردە بەرىلەدى.
وسى مەرزىمدى وتكىزىپ العان جانە كوشىپ كەلۋشىنىڭ كەلۋى تۋرالى ىشكى ىستەر ورگاندارىنا حابارلاماعان جاعدايدا، قازاقستاندا قابىلداۋشى جەكە جانە زاڭدى تۇلعا قازاقستان رەسپۋبليكاسى اكىمشىلىك قۇقىقبۇزۋشىلىق تۋرالى كودەكسىنىڭ 518-بابى بويىنشا جاۋاپتىلىققا تارتىلاتىنىن ەسكەرتەمىز.
اكىمشىلىك شارا قولدانىلۋى:
جەكە تۇلعالار ءۇشىن ەسكەرتۋ تۇرىندەگى جازا، ال قايتالاپ بۇزعانى ءۇشىن – 30 ايلىق ەسەپتىك كورسەتكىش نەمەسە 91 890 تەڭگە مولشەرىندە ايىپپۇل كوزدەلگەن.
زاڭدى تۇلعالار ءۇشىن 10-نان 25 ايلىق ەسەپتىك كورسەتكىشكە دەيىن ايىپپۇل كوزدەلگەن. قايتالانعان جاعدايدا 100 ايلىق ەسەپتىك كورسەتكىشكە دەيىن ايىپپۇل قاراستىرىلعان، بۇل 306 مىڭ تەڭگەگە تەڭ.
شەتەلدىكتىڭ كەلۋى تۋرالى حابارلامانى قابىلداۋشى تاراپ ءۇش تاسىلمەن بەرە الاتىنىن حابارلايمىز.
1. جەكە جانە زاڭدى تۇلعالار كوشىپ كەلۋشىنىڭ كەلگەنى تۋرالى ەلەكتروندىق ۆيزالىق جانە كوشى-قون پورتالى ارقىلى تىكەلەي حابارلاي الادى vmp.gov.kz نەمەسە egov.kz ارقىلى. ول ءۇشىن قازاقستاندىق تاراپ ەلەكتروندىق سيفرلىق قولتاڭباسى جانە كوشىپ كەلۋشىنىڭ پاسپورتتىق دەرەكتەرى جەتكىلىكتى.
2.قازاقستان تاراپىنان قابىلداۋشى جەكە جانە زاڭدى تۇلعالار شەتەلدىكتىڭ كەلگەنى تۋرالى حابارلامانى تىكەلەي ءوز اۋدانى بويىنشا ىشكى ىستەر ورگاندارىنىڭ كوشى-قون قىزمەتىنىڭ بولىمدەرى مەن بولىمشەلەرىنە بەرە الادى.
3. ە-Qonaq قوسىمشاسى ارقىلى حابارلاما بەرىلەدى.
قازاقستان رەسپۋبليكاسى ازاماتتارى مەن شەتەلدىكتەردىڭ زاڭنىڭ وسى تالاپتارىن ساقتاۋعا مىندەتتى ەكەنىنە تاعى دا نازار اۋدارامىن.