ولاردى ەلدەن دەپورتاسيالاۋ ماسەلەسى شەشىلىپ جاتىر
الماتى اۋەجايىندا جالعان قۇجاتپەن ەلگە كىرمەك بولعان شەتەلدىكتەر ۇستالدى، دەپ حابارلايدى Almaty-akshamy.kz.
ۇلتتىق قاۋىپسىزدىك كوميتەتى شەكارا قىزمەتىنىڭ مالىمەتىنشە، الماتى قالاسىنىڭ اۋەجايىندا پاسپورتتىق باقىلاۋدان ءوتۋ كەزىندە جالعان قۇجات ۇسىنعان ورتالىق ازيا ەلدەرىنىڭ 4 ازاماتى ۇستالعان.
جۇگىن تەكسەرۋ كەزىندە ولاردىڭ ناقتى پاسپورتتارى تابىلدى.
الدىن الا دەرەكتەر بويىنشا، ولار جالعان قۇجاتتاردى قازاقستان رەسپۋبليكاسى ارقىلى ترانزيتپەن ءوتۋ ءۇشىن ساتىپ العان.
ءبىر جالعان ءتولقۇجاتتىڭ قۇنى 10 مىڭ اقش دوللارىن قۇراعان.
جالعان قۇجاتتار تاركىلەندى.
ولاردى ەلدەن دەپورتاسيالاۋ ماسەلەسى شەشىلىپ جاتىر.