رەسپۋبليكا بويىنشا جەل كۇشەيەدى دەپ كۇتىلۋدە.
"قازگيدرومەت" قازاقستان ايماقتارىندا 2022 جىلعى 11 ساۋىردە بولاتىن ەرەكشە مەتەورولوگيالىق قۇبىلىستارعا بولجاۋ كونسۋلتاسياسىن جاريالادى، دەپ حابارلايدى Almaty-akshamy.kz.
اۋقىمدى انتيسيكلون ق ر تەرريتورياسىنىڭ باسىم بولىگىندە جىلى، جاۋىن-شاشىنسىز اۋا رايىن قالىپتاستىراتىن بولادى. تەك ەلىمىزدىڭ وڭتۇستىگى مەن سولتۇستىك-باتىسىندا اتموسفەرالىق فرونتالدى بولىكتەردىڭ اسەرىنەن جاڭبىر جاۋادى، نايزاعاي كۇتىلەدى. رەسپۋبليكا بويىنشا جەل كۇشەيەدى، وڭتۇستىكتە داۋىل سوعىپ، باتىستا تۇمان بولادى.
اقمولا، سولتۇستىك قازاقستان وبلىستارىنىڭ تۇندە سولتۇستىگى مەن وڭتۇستىك-باتىسىندا، كۇندىز باسىم بولىگىندە جەلدىڭ ەكپىنى 15-20، كەي جەرلەردە 23 م/س دەيىن كۇشەيەدى دەپ كۇتىلۋدە.
كۇندىز الماتى وبلىسىنىڭ سولتۇستىگى مەن شىعىسىندا، پاۆلودار وبلىسىنىڭ وڭتۇستىگىندە، شىعىس قازاقستان وبلىسىنىڭ باتىسىندا جەل 15-20 م/س دەيىن كۇشەيەدى.
كۇندىز تۇركىستان وبلىسىنىڭ تاۋلى جانە تاۋ بوكتەرلى اۋداندارىندا نايزاعاي، داۋىل، تاۋلى، تاۋ بوكتەرلى اۋداندارىندا جەلدىڭ 15-20، ەكپىنى 23 م/س كۇشەيەدى. كۇندىز ماڭعىستاۋ وبلىسىنىڭ وڭتۇستىگىندە نايزاعاي جارقىلدايدى.
قوستاناي وبلىسىنىڭ تۇندە وڭتۇستىگىندە، كۇندىز باسىم بولىگىندە جەل 15-20 م/س كۇشەيۋى، وڭتۇستىگىندە تۇمان ءتۇسىپ، نايزاعاي وينايدى. قاراعاندى وبلىسىنىڭ باتىسىندا نايزاعاي ويناسا، شىعىسى مەن ورتالىعىندا جەلدىڭ ەكپىنى 15-20، كەي جەرلەردە 23-28 م/س دەيىن كۇشەيەدى.
قىزىلوردا وبلىسىنىڭ ورتالىعىندا نايزاعاي ويناپ، داۋىل تۇرادى، ورتالىعى مەن وڭتۇستىگىندە جەل 15-20 م/س دەيىن كۇشەيەدى.
جامبىل وبلىسىنىڭ سولتۇستىك-باتىسىندا، باتىسى مەن تاۋلى اۋداندارىندا جەلدىڭ ەكپىنى 15-20، كەي جەرلەردە 23 م/س دەيىن كۇشەيەدى، كۇندىز تاۋلى اۋداندارىندا نايزاعاي وينايدى.
باتىس قازاقستان وبلىسىنىڭ سولتۇستىگىندە، تۇندە اتىراۋ وبلىسىنىڭ باتىسىندا تۇمان تۇسەدى.