Almaty-akshamy.kz سايتىندا بۇگىن جارىق كورگەن جاڭالىقتارعا شولۋ – كۇن كەرۋەنى
الماتىدا ساموكاتتار باقىلاۋعا الىندى
قالاداعى رەيد بارىسىندا قالا جولدارىندا 168 قۇقىق بۇزۋشىلىقتى انىقتالىپ، 13 ماس جۇرگىزۋشى ۇستالدى. سونىمەن قاتار 68 موپەد جانە 23 ساموكات جۇرگىزۋشىسى اكىمشىلىك جاۋاپقا تارتىلدى، 38 موپەد ايىپپۇل تۇراعىنا قويىلدى.
بىلتىر الماتىدا ساموكات پەن موپەدتەر 617 جول اپاتىنا سەبەپكەر بولعان.
ومىربەك بايگەلدى ومىردەن وزدى
بۇگىن استانا قالاسىندا كورنەكتى مەملەكەت جانە قوعام قايراتكەرى ومىربەك بايگەلدى ومىردەن ءوتتى. ومىربەك بايگەلدى – 1996-1999 ج.ج قازاقستان رەسپۋبليكاسى پارلامەنتى سەناتىنىڭ العاشقى ءتوراعاسى بولدى.
ومىربەك بايگەلدى 1939 جىلى جامبىل وبلىسىنىڭ قىزىل-وكتيابر اۋىلىندا دۇنيەگە كەلگەن. ەڭبەك جولىن جامبىل وبلىسى جامبىل اۋدانىنىڭ قىزىل-وكتيابر كولحوزىندا جۇمىسشى بولىپ باستاعان.
«كەدەندەگى» كەلەلى وزگەرىس
الماتىداعى «جەتىسۋ» كەدەن بەكەتىندە 2024 جىلعى 2 ءساۋىر - 30 ماۋسىم ارالىعىندا «كەدەن» اقپاراتتىق جۇيەسىندە ەكسپرەسس-جۇكتەردى دەكلاراسيالاۋ جونىندەگى پيلوتتىق جوبا جۇرگىزىلۋدە.
«كەدەن» جۇيەسىندە جۇمىس ىستەۋ ءۇشىن ۇلتتىق كۋالاندىرۋشى ورتالىقتىڭ ەلەكتروندى سيفرلىق قولتاڭباسى بولۋى شارت. اقپاراتتىق جۇيە https://keden.kgd.gov.kz/ سىلتەمەسى بويىنشا قول جەتىمدى.
قازاقستاندىقتار وڭتۇستىك كورەيادا تەگىن وقيتىن بولدى
ستۋدەنتتەرگە شاكىرتاقى بەرۋ تۋرالى دا مەموراندۋمعا قول قويىلدى. قازاقستاندىق ستۋدەنتتەر وڭتۇستىك كورەيانىڭ ءتورت جەتەكشى ۋنيۆەرسيتەتىندە (Sungkyunkwan University، Kyung Hee University، Hanyang University، University of Seoul) ءبىلىم الا الادى.
وڭتۇستىك كورەياعا جۇمىس ساپارى اياسىندا عىلىم جانە جوعارى ءبىلىم ءمينيسترى ساياسات نۇربەك سەۋل مەرى و سە حۋنمەن كەزدەستى.
قۇمار ويناعان ازار...
7000-نان استام ادام وزدەرىن قۇمار ويىننان شەكتەگەن. 18 ناۋرىزدان باستاپ قۇمار ويىندارعا جانە ءباس تىگۋگە قاتىسۋعا دەربەس شەكتەۋگە ارنالعان ونلاين-سەرۆيس ىسكە قوسىلدى. قازاقستاننىڭ تۋريزم جانە سپورت مينيسترلىگى قانشا ازاماتتىڭ ونلاين ويىن ويناۋعا تىيىم سالعانىن ايتتى. 18 ناۋرىزدان باستاپ قازاقستان رەسپۋبليكاسىنىڭ ازاماتتارى مەن تۇرعىندارىن قۇمار ويىندارعا جانە ءباس تىگۋگە قاتىسۋعا دەربەس شەكتەۋگە ارنالعان ونلاين-سەرۆيس پيلوتتىق رەجيمدە ىسكە قوسىلدى.
اسكەري شەرۋ وتكىزبەيمىز
ەلىمىز اسكەري شەرۋ وتكىزبەيتىن بولدى، بىلتىر دا اسكەري شەرۋ وتپەگەن بولاتىن. قازاقستاندا 7 جانە 9 مامىردا اسكەري شەرۋلەر وتكىزىلمەيدى.
"بيۋدجەت قارجىسىن ۇنەمدەۋ ماقساتىندا، سونداي-اق باسقا دا مىندەتتەردى شەشۋ قاجەتتىلىگىنە بايلانىستى 2024 جىلى قازاقستاندا اسكەري پاراد وتكىزۋ جوسپارلانىپ وتىرعان جوق"، دەگەن اقپارات تاراتتى بۇگىن قورعانىس مينيسترلىگى.
مامىردا نەشە كۇن دەمالامىز؟
ەgov.kz-تە مامىر ايىندا ءۇش مەملەكەتتىك مەرەكە تويلاناتىنى كورسەتىلگەن. قازاقستاندىقتار 1 مامىر – قازاقستان حالقىنىڭ بىرلىگى مەرەكەسى؛ 7 مامىر – وتان قورعاۋشىلار كۇنى؛ 9 مامىر – جەڭىس كۇنىن اتاپ وتەدى. مەرەكە قارساڭىندا بەس كۇندىك جۇمىس اپتاسىندا: 1 مامىر – دەمالىس، 2 مامىر – جۇمىس، 4 جانە 5 مامىر – دەمالىس، 6 مامىر – جۇمىس، 7 مامىر – دەمالىس، 8 مامىر – جۇمىس، 9 مامىر – دەمالىس، 10 مامىر – جۇمىس بولادى. ال التى كۇندىك جۇمىس اپتاسىندا: 1 مامىر – دەمالىس، 2، 3، 4 مامىر – جۇمىس، 5 مامىر – دەمالىس، 6 مامىر – جۇمىس، 7 مامىر – دەمالىس، 8 مامىر – جۇمىس، 9 مامىر – دەمالىس، 10 جانە 11 مامىر – جۇمىس كۇنى كورسەتىلگەن.
شەتەلدىكتەر دە ەندى جسن الا الادى
بۇيرىق 2024 جىلعى 13 ساۋىردەن باستاپ قولدانىسقا ەنگىزىلەدى. شەتەلدىكتەر قازاقستان رەسپۋبليكاسىنىڭ شەتەلدەردەگى مەكەمەلەرى ارقىلى جسن الا الادى.
"مەملەكەتتىك قىزمەت كورسەتۋ بويىنشا پيلوتتىق جوبا اياسىندا ەندى شەتەل ازاماتتارى قازاقستان رەسپۋبليكاسىنىڭ شەتەلدەردەگى مەكەمەلەرى ارقىلى جسن الا الادى" ، – دەلىنگەن قۇجاتتا.